已經睇左兩次醫生食左好多日藥，重係有d 鼻水，bb基本上到而家都係訓得唔好，想知有無方法可以收鼻水？
2017年06月26日
媽媽可以留意BB床嘅位置，盡量遠離窗簾或大塵嘅地方，因為大塵都會令BB鼻腔分泌多咗架，盡量避開任何會誘發BB鼻敏感嘅致敏原，例如塵埃﹑毛質﹑花粉等等。每星期清潔床被/枕頭，再係陽光下曬乾或用高溫燙斗清除塵蟎; 保持屋企空氣流通，用毛巾墊住BB 背部打側少少訓，都可以令佢抖氣舒服D架，充足嘅休息係最有效又最天然嘅痊癒方法黎架。出入冷氣地方要確保頸部溫暖，避免冷空氣刺激到氣管。如果鼻水有黃綠色，或者出現埋其他病徵，好似發燒、咳、胃口差等等，就要再睇醫生喇。
×