Hi～希望可以解答以下問題，謝謝
囡囡10個半月，最近瞓瞓下都會喊，有時會大喊，但佢又唔係醒，試過抱起佢都喊，但多數俾奶佢啜就會瞓返（全人奶全埋身）。以前未試過咁既情況，就算瞓左要飲奶都唔會大喊。
想問下點解會咁？心火盛發惡夢？有無湯水可以煲俾佢飲下
2017年07月13日
明白媽媽見到囡囡瞓得唔好會心痛，媽媽可以先睇下囡囡有冇其他唔舒服或者生理需要，好似要換尿片﹑太熱/凍、吽牙引致牙肉痕等，都會影響睡眠質素架。一般10個月大嘅BB全日需要14小時嘅睡眠，日間瞓2.5-3個鐘就ok，同大人一樣瞓瞓下都會轉下姿勢、郁下、反身、甚至會醒咗，有時晏覺瞓多左夜晚會無咁熟睡架。媽媽可嘗試俾水囡囡先，瞓得番就唔使俾奶佢。媽媽亦可以將晚餐或者臨瞓餐奶嘅份量增加，等囡囡飽肚滿足都會較少半夜起身架。媽媽可以俾囡囡攬住公仔瞓，或用被或毛巾包一包佢增加安全感，有需要時可以哼D兒歌/拍下背脊等佢知道你係佢身邊，安撫囡囡情緒再瞓番。日間唔好瞓得太多，俾囡囡活動多D，爬多D，攰自然就瞓得好D啦 !
×