幾多個月開始吽牙仔？吽牙係咪一定會痾爛便？
2017年07月17日
每個BB出牙情況都唔同，第一隻乳齒通常係6-10個月左右長出，吽牙仔嘅時間可能會早D，媽媽可以留意下BB 最近有冇出牙仔徵狀，例如牙肉有白點、流多咗口水、成日放手仔/物件入口等等。出牙本身唔會令BB痾嘔，不過牙肉唔舒服可能會令BB多咗食手仔或者咬玩具，有機會食咗D菌入肚仔度令BB唔舒服。可以俾D硬實東西BB咬，如雪凍嘅牙膠，紅蘿蔔條，去舒緩牙肉唔舒服。平時要多D同BB清潔手仔同玩具，以避免病菌從口入嘅機會呀 !
×