BB 9個月大，仍是不能戒夜奶，由出世至今，她的睡眠質素也不好，很容易醒，也要大人陪她睡。另外，她也容易發脾氣，當滿足不到她需要，便經常大聲尖叫。
請問如何改善睡眠質素和使BB 學懂不再大聲尖叫？
2017年07月24日
ＢＢ大左會同大人一樣瞓覺時會轉姿勢、郁、反身、有時甚至會醒左，如果佢習慣左大人陪佢瞓，試下俾BB攬住有媽媽氣味毛巾瞓，媽媽係佢耳邊哼兒歌／拍背都可以安撫ＢＢ情緒，多Ｄ安全感，ＢＢ真係瞓唔返先俾奶飲，奶份量可以越俾越少，最後餐奶儘量推遲Ｄ餵，日頭多D同佢玩遊戲、傾計、唱歌，黃昏後避免去嘈吵、多人地方，相信慢慢BB就會戒到夜奶。9個月大既BB全日需要14小時既睡眠，日頭瞓2.5-3個鐘就ok，佢地仲未好識表達自己，有時會尖叫去吸引人注意或傳遞訊息，例如肚餓，濕片，太熱太凍， 當佢開始學講野，慢慢尖叫就會減少架喇。
×