兩歲係咪適合學戒尿片，有時見佢想尿尿時會用手按住尿片位，跟住就痾尿尿，但就未識用說話表達，咁情況係咪戒尿片時機。
2017年07月24日
小朋友嘅戒片時間可以相隔幾年，2歲左右識得表達自己時開始會比較好，媽媽好細心留意到佢想尿尿時會用手按住尿片，安排係果D時間馬上去坐便盆，亦要教佢早少少出聲話要去廁所，每隔一段時間媽媽就主動問下需唔需要去廁所，等佢減少整濕條片，如果濕左片/瀨左都唔好鬧佢，而當成功去到, 就要多D讚賞同鼓勵佢。戒片係要有一段穩定又規律咁進行，順其自然唔需要心急，通常日頭戒左片先到夜晚，一般5歲前就會冇賴尿嘅情況，媽媽俾佢著方便除嘅褲/ 學習褲，對小朋友戒片都有幫助架。
×