我bb已經13個月啦，但係只係肯食兩餐飯仔又唔肯飲水 ，一叫佢食多就又喊又發脾氣
有時候我見囡囡去便便會去得好辛苦，到底應該點做呀？
2016年07月12日
囡囡食到兩餐飯仔，每餐大約一個BB碗份量，已經好叻喇。13個月可以開始同囡囡加入第三餐固餐食物(一般係早餐)，例如粥仔加個包仔，或者用飲開的奶加入玉米片，浸淋D比囡囡食。要處理囡囡便便的情況，飲多D水同增加膳食纖維係好重要架。不妨揀個水樽印有囡囡鐘意既圖案或卡通公仔，可以提高佢飲水既興趣。水裡加片檸檬或蘋果，有少少香味都吸引到佢飲水。膳食纖維方面可以比佢多食綠葉菜或瓜類，一日裡食兩種生果，例如橙、香蕉、火龍果等。水份同膳食纖維攝取足夠，排便就會慢慢改善啦!
×