BB成日訓得唔好，食野又食得少，屋企人話佢濕熱食滯，叫同佢睇中醫，一歲係咪真係可以食中藥架？
2017年08月31日
一歲幼兒身體尚在發育中，無論中西藥都要小心服用，最好帶BB到註冊嘅中、西醫到求診。媽媽或者家人可以係日間同BB玩多D，增加運動量，可以令佢胃口好D，睡眠質素都會改善。如果日頭瞓多左，夜晚就會瞓少D，BB 能夠係全日瞓到12-14個鐘就足夠喇! 另外，媽媽可以為BB培養一個均衡同多元化嘅飲食習慣，包括每日要食1-2碗穀物類，4-8 湯匙蔬菜類，1/4-1/2碗水果粒，2-4湯匙肉/魚/蛋/代替品類及約360-480亳升奶品類。食物嘅配搭，進食的方法(如:用手揸住食) 都可以有多D變化。餐與餐中間可以加入健康小食俾BB，例如水果、乳酪、果仁等。
×