已經係母嬰健康院打左四合一疫苗，可唔可以再去私家轉打五合一或者六合一加強保障？
2017年09月01日
BB係健康院所接種嘅 四合一疫苗包括左: 白喉、破傷風、無細胞型百日咳及滅活小兒麻痺混合疫苗。而私家提供嘅五合一疫苗比健康院加多左乙型流感嗜血桿菌, 六合一疫苗則多左乙型流感嗜血桿菌同乙型肝炎注射劑。如果媽媽已經帶BB接種左四合一疫苗，未到下一針前，唔需要再重複打針。無論到健康院定私家，媽媽需要跟返疫苗時間表帶BB去接種疫苗。為免重複或打漏針，媽媽帶BB去打疫苗時，記得要帶同針卡，等醫護人員因應小朋友既記錄安排接種適當疫苗 。
×