bb五個月大，出世到宜家都未剪過髮，呢排發現佢甩好多頭髮，係咪有咩問題？
2017年09月08日
BB頭髮係生長過程中會有兩次大脫落嘅情形， 一次係母體內，另一次係出生後至6個月，枕部嘅頭髮會開始甩，甚至額頭至兩側嘅頭髮，都可能會甩。有時，因為後尾同床面/枕頭摩擦令甩髮更明顯 。爸媽暫時唔使太擔心，先耐心等候，BB頭髮會慢慢生返。爸媽可以留意下BB枕頭有冇受潮，同埋要不時更換枕頭，保持BB頭部嘅乾爽。瞓覺時儘量唔好長期保持同一個姿勢，減少摩擦。如果BB甩頭髮同時仲有多汗、煩躁、哭鬧等症狀，爸媽就需要帶BB去請教醫生喇!
×