請問BB會生痱滋嗎？前兩日見到BB個口有粒白點，用紗布抹唔走，宜家好似越黎越多，仲唔肯食奶，係咪應該馬上去睇醫生？
2017年09月11日
口腔嘅白點抹唔走，有機會係痱滋或者係口瘡。如果BB口裏面嘅白點越來越多，胃口差，好扭計，有可能係出鵝口瘡，常見於頭一年嘅BB。如果BB 精神同胃口差，建議爸媽儘快帶BB去睇醫生，確定返白點係咩。BB口生粒粒會唔舒服，飲比較熱嘅奶時可能會痛而令胃口更差，試下將奶放涼少少先俾BB飲 。平日可以用紗巾包住手指點凍滚水輕抹口腔清潔。另外每次餵BB食奶前後，換片/ 搽潤膏前後都要清潔雙手，保持衛生。
×