小朋友唔肯點食菜，去大便經常谷到出晒汗，請問有咩方法可以改善寶寶腸臟? 小朋友3歲。
2016年07月13日
便秘常發生於小朋友開始學習使用廁所， 同埋剛剛開始反學。 注意小朋友水份同纖維吸收是否足夠，一日建議食兩款以上既菜蔬，另外再俾水果佢食。 試下將菜蔬加入唔同食物配搭煮食，顏色鮮艷同味道突出既食物都可以增加食慾，例如肉碎蕃茄蒸蛋﹑三文魚配菜飯﹑菠菜豬肉湯米粉等等。 再加用掌心順時針方向搓肚仔，刺激腸道蠕動，都會幫助排便。

留意如果 3日以上冇便便，而肚仔又漲又實、胃口變差、好扭計/精神差，甚至大便乾硬、擦損肛門、就好大機會係便秘。
建議同小朋友睇睇醫生。
×