BB 歲半，但仍未戒夜奶，一晚起兩三次身，有咩方法可使BB一覺訓天光
2016年07月13日
歲半既BB的飲食模式應該有3餐固體食物同2餐奶。每餐固體的份量至少約有一平碗BB碗仔或更多，主要有五穀類再加上肉類或蔬菜，咁至做到均衡飲食。現階段BB所需營養主要來自固體食物，而唔係奶。想幫BB戒夜奶，首先要確保佢平日固體份量食得夠，再將最後餐奶推遲少少餵，甚至可以同佢沖個涼，飲完奶才訓，都可以提升到睡眠質素架! BB歲半，一般都已經自己行得好好，多D帶佢出去玩下(每日1-2次)，做適量運動，例如跑跳和游水，可以促進睡眠。BB半夜醒左，唔洗咁急要安撫佢，比佢試下自己訓返；如果佢都係訓唔返先比奶，而奶跟水既比例可以越開越稀。
×