BB唔肯食藥水，一飲就嘔番出黎，可唔可以溝落枝奶度比佢飲？
2018年01月12日
媽媽可以試下用餵藥工具例如用去除針頭嘅針筒, 沿住BB口腔側面注入藥水, 避免藥水直接接觸舌面味蕾以減少苦味, 再輕輕抬起BB下巴, 或用拇指同食指捏一捏BB兩邊面頰, 幫助藥水流入吞嚥, 然後至餵奶俾BB食沖淡口腔內嘅藥味˳ 建議餐前餵藥, 等BB餓啲比較願意開口飲, 避免強行餵藥˳ 如果媽媽想將藥加入奶去蓋過苦味, 要確保奶唔會影響該藥物嘅吸收, 奶份量亦不宜太多, 以免BB飲唔哂導致藥量唔準確。
×