BB E家隔日去一次便便，次次谷到面都紅晒，不過佢冇喊，便便亦都唔硬，咁算唔算便秘呀？
2018年01月16日
BB嘅大便規律可以由１日幾次至幾日１次不等，只要大便軟身／糊狀，顏色係黃／啡／墨綠，都可以係正常˳ 好多BB便便個陣都會谷到面紅卜卜，好似好用力咁，其實BB正係努力咁學習緊點樣控制腹腔同盆腔嘅肌肉，去增加腹腔壓力，將便便推出黎，並唔代表便秘˳ 便秘嘅症狀一般有大便乾硬､ 細小甚至有血絲､ BB排便疼痛､ 無精神､ 胃口差､ 腹脹等，如果BB冇以上症狀，都唔洗擔心˳
×