我條頸生左幾粒疣，近排先知原來疣會傳染，咁BB摸到係咪就會惹到？？？對佢有冇影響？？
2018年02月27日
疣係由人類乳頭瘤病毒感染形成, 屬過濾性病毒感染, 有非常多不同種類, 其中以扁平疣較為普遍, 常見係頸﹑面﹑手等位置, 雖然對健康影響唔大, 但好容易傳染俾身邊有緊密接觸/免疫較弱嘅屋企人, 甚至可以由冇傷口嘅皮膚入侵˳ 如果BB摸到又摸自己甚至放手入口/捽眼仔, 就有機會感染左˳ 建議媽媽儘快咨詢醫生意見, 進行治療, 去除疣以避免感染俾BB˳
×