阿女6個月大, 天氣熱就出熱痱, 迫住要開冷氣, 唔想佢成日吹冷氣, 有冇方法避免生熱痱?
2016年06月03日
BB新陳代謝比較快，天氣熱BB仲大汗左，如果成日醃住容易出熱痱。最緊要保持BB皮膚乾爽，多D用清水清潔，尤其係頸仔、手肘等等嘅摺位，盡量避免用刺激性嘅清潔液。BB衫仔、床單建議選用綿質，幫助吸汗，或鋪竹蓆俾BB訓，都可以有清涼的感覺甚至幫助降溫。即使要開冷氣，注意室溫要適中(大概攝氏24至26度) 及避開風口位置便可。如果已經出左熱痱，情況比較嚴重就要睇醫生，使用處方藥物幫助啦。
×