牛欄牌 Pro Absorb 配方支持 BB 腸道健康

BB 肚仔吸收日記


	你好，bb而家已2個月大，但經常飲奶後又掃不到風，所以過10多分鐘後就會吐奶，究竟可怎麼辦？看到做新手媽咪的都很心痛，亦不知所措。還有面仔及背部經常有紅疹，又像油脂粒，已看了多位醫生，雖有時會好轉但轉頭很快又出過，究竟是身體有毛病還是敏感？奶粉牌子已轉過亦無效用，心急人上
	2016年07月13日

	除左餵奶後同BB掃風掃耐少少，建議媽咪儘量在餵奶前先同BB掃風，另外可以試下另一D 掃風姿態，抱直BB等佢頭仔擱在您膊頭，佢嘅肚仔貼住您心口，然後喺背脊深長咁掃上去，都可以減少肚風架。如果真係掃唔到，都要抱直BB 15-30 分鐘先放低佢，比BB輕輕向左側瞓，可舒緩嘔奶。到BB 3個月左右，消化乳糖的酵素多D，嘔奶問題會慢慢減少。初生BB受媽媽既荷爾蒙影響，容易形成BB油脂粒，大少少會自動消失。但如果BB如果紅疹一路無改善，舊既未退新既就出得好快，就可能係敏感。除左食物之外，塵蟎、花粉、化學物等都可以係致敏原，媽媽要留意下家居環境BB 有冇接觸過以上嘅野。如果紅疹一路無改善，就要考慮帶BB睇醫生喇。


	吸收腸道情緒健康室內親子遊四季活動戶外親子遊育兒節日活動