Dir媽天然「揀食」日記
作者：Dir媽
21 Aug 2017
Dir媽日夜刨文同問人，只求小朋友可以健康成長。近日就得出一個結論，為BB「揀食」好簡單，除咗選擇成分天然外，最緊要同BB Match！以下就係Dir媽自己「揀食」既心得，希望幫到為BB「揀食」 而迷惘嘅你:
成分天然最重要：
凡蘊含基因改造成分嘅食材，我一定Say No，始終改造咗嘅食品，一定唔及天然食物咁安全、可靠。或者你會覺得，基因改造食物未必對身體造成影響，可是暫時亦未有任何研究證實基因改造食物對人體百分百安全。至於天然食材，一切全屬於大自然，減少器官因化學成分而產生負荷，又怎會對人體有害？所以為保障BB健康，全天然成分的食物絕對是我的首選。
唔可以含有任何成長激素：
唔少食物生產商為縮短飼養成本，不惜為家畜、家禽注射成長激素，又或餵飼加入成長激素的飼料，務求加速牠們的生長週期，以便加快推出巿場，不單止令家畜及家禽本身帶有成長激素，甚至牠們生產出來的乳製品或雞蛋，都會蘊含成長激素，我就唔想BB食咗呢啲食物影響成長。為咗唔想賠上BB的健康，所以我絕對唔會選擇含有成長激素的食材。
多BB食過：
大牌子有好多好處，正所謂前BB “s”可鑒，越多BB食過，若果產品出現問題就更易反映出嚟，因為BB 的食品(例如奶粉)，至少要keep住食一段日子， 加上BB太細有好多嘢佢根本無辦法話你聽，所以就全賴媽媽們嘅口耳相傳，推介大家留意吓網上其他真實用家嘅分享。
便便同過敏狀況：
做媽媽嘅總會每日check住BB嘅便便 (詳情自己搵便便卡對照，暫不細表) ， 因為便便直接反映BB嘅身體狀況同腸胃健康，所以只要便便靚同無過敏，媽媽就可以好放心，而呢兩樣亦係我check食物啱唔啱BB嘅最後一關 (亦都因為依個時候已經食咗落肚， 所以係最後一關)
更多文章
KOL潮媽教室
