【家庭理財】「大減價SALE」容易沖昏頭,每買一件貨品前先考慮?

2018-07-06 2,757

唔知各位媽媽,有冇發現有一個情況,係你從來都無法抵擋到佢嘅吸引力嘅呢? 我講嘅就係當你走到街上、商場或百貨公司,見到掛起大大張廣告紅色底白色字寫上「大減價SALE」。

你就會馬上沖昏頭,二話不說就衝入去掘寶。

此情況不論用於超級市場、百貨公司、服裝店、童裝甚至乎係玩具店,通通見到大字「大減價SALE」,都一樣會招架不住,馬上衝入去。

而每次離開商店,你有係咪一袋、二袋咁離開呢?
我雙手高舉承認,我絕對係經常發生。我每次都會好努力喺店入面搜略一堆疑似超抵嘅貨,然後乖乖去排隊俾錢。

看見大減價便招架不住,但每次冷靜後,都會發現多了不必要的支出。

但每次瘋狂購物完過後,到我冷靜落嚟,先發現買返嚟嘅所謂心頭好、超抵嘅嘢。其實都係未如心目中咁需要、咁鍾意以及都並非超筍貨物。最後諗返,其實自己係用多咗好多不必要嘅支出。

其實,我/ 你就正正被市場學及設計師設嘅局捉到你嘅心。

想做一個慳家又有品味嘅太太/ 媽媽,自此我平日會多啲留意自己鍾意、小朋友用品、同屋企用嘅物品嘅市場價格,唯有多啲去行逛呢啲店舖。
到減價嘅時候,就會好清楚價錢係咪好抵? 再問自己係咪真係需要呢? 而呢件商品又係咪咁實用呢?

如果喺每次嘅大減價嘅時候,都能夠「停一停,諗一諗」,就一定唔會買多無用又唔係特別平嘅「好東西」,就可以慳返唔少家用啦。

標籤