吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有d心淡…來呻一下

夫婦情感今日: 4|主題: 42744

收藏本版

發帖

返回列表

跳至頁

查看: 3508 | 回覆: 78

有d心淡…來呻一下 [複製鏈接]

12 3 4

koalababie

大宅

積分: 3041

1^#

發表於 13-5-29 09:11 |只看該作者 |倒序瀏覽 |打印

我同男朋友一齊一年多d，有個9個月大既女，初頭大家認識唔深，真係覺得好愛對方，覺得一齊唔會後悔，我為佢同屋企人鬧晒大交，佢為我離家出走。
我地一齊一個月到就意外有左BB，當時想等感情同經濟穩定d再結婚，加上因為雙方家長反對，我地都無點提及婚事。
陀住阿女既日子，我自己一個搬出來住，當時佢已經唔係日日過來陪我，成日要出街見朋友，又要去做Gym，係到臨生一個月佢先多d過來過夜。當時陀B真係好唔開心，因為佢一d都唔緊張我地兩個，無為個女買過任何一樣野，亦無去學點湊BB。
咩都係我一個人預備。
生完頭幾個月，佢有幫忙一下，但因為佢要返工，我仲放緊產假，我就自己同個女一間房，一直都係我照顧個女多，佢越來越少幫忙，尤其是當我係屋企時，基本上餵奶換片沖涼洗奶樽洗BB衫，全部都係我做。
到我要返工，要送BB出去俾人湊，個個幫我湊BB都做唔長，有日佢阿媽同佢鬧交，忍唔住同我阿媽爆響口，至知道原來佢返工無錢洗，成日要問佢阿媽拿錢幫個女交學費。
後尾間學校好似話執左立，搵左一個阿姐湊，阿姐湊左一個禮拜之後，就話唔湊，之後佢又搵另外一個鄰居，男友答應兩個禮拜交一次錢，禮拜日佢至同我講話上個禮拜交完，但今日我去接女時個阿姨追我地俾錢，佢話我地已經欠交托兒費個幾月....

男朋友平日對我都係拖得就拖，但我唔知原來對外人都係咁！最讓我氣憤係星期日，我早上出去見個女性朋友，留低個女俾佢睇，佢居然生我氣，話我唔陪佢，然後成朝唔餵個女唔理個女由得佢喊，
由9點喊到2點我返屋企…我求佢唔好拿個女來出氣，佢居然話個女餓下唔會死，鬼叫佢只係叫媽媽，唔識叫爸爸，佢識叫爸爸我咪理佢囉！
我好驚因為佢份人狠心起上來好狠心，即使係自己個女佢都可以唔理，我馬上趕返屋企，同佢傾左陣，佢同我道歉，話自己過份左。
其實佢之前已經有前科，我唔同佢行埋，佢生氣起來將個女大力摔落床，又秤住佢對腳將佢倒吊，當時我個女得5個月大，我好驚會摔壞腦

佢平時無野時好浪漫，日日都會講我掛住你，我愛你，但除左言語，我真係睇唔出有幾愛，
家務完全唔做，朝朝11點12點至起身返工，夜晚11點12點至返屋企，有時我都好懷疑佢係咪有小三，
佢有次同我鬧交係FB上面delete左我，之後無再add返。
其實佢有提及同我一齊我滿足唔到佢，佢又滿足唔到我，佢話我完全唔識得點樣討好男人…
我真係好傷心，因為係我自己個角度來講，我愛你，同你組織一個家庭，幫你生個女，即使你無錢俾，你成日樣樣野話做又無做到，我都繼續包容你，就已經係愛既表現，我只係希望你能夠參與其中，希望你能夠enjoy家庭生活，做一個有責任感既爸爸，抽多d時間陪個屋企(佢而家放平日，週末休半日，訓覺訓到中午11-12點，根本完全無時間陪屋企就要出去返工) 我曾經同佢講過BB好快大，你而家唔陪佢多d你會錯過好多，個女第日都唔會跟你。佢就話，無辦法，因為打工，工作需要佢返週末佢無得話唔返。
而且往後一兩年都會係咁…改唔到，我一係接受，一係分開。
我同自己講佢咁辛苦都係為頭家，但我真係好累喇....佢每個月連家用都無俾，仲拖住筆託兒費，本來講好上網同電費一人一半，到最後個個月又係我一個交，我真係好想知佢d錢去左邊，佢搵得多過我又點會咁唔夠洗?
我俾左好多次機會佢，因為我真係希望佢會改，但到今日俾人追數追到上面，我真係覺得心淡…
點解你要求我做咩我就儘量要滿足，而我只係要求你為個家付出少少都咁困難？
然後你自己總有大條道理話自己已經付出左好多俾屋企？
回望一切，當年(20幾歲)未有個女時，都唔係咁差算有幾個追求者，但當日放棄一切，唔理屋企人反對跟左c6，到頭來咩都得唔到，捱到自己殘晒，我真係覺得好折墮。

0 1 0

私人傳訊

nettecc

大宅

積分: 1612

2^#

發表於 13-5-29 09:22 |只看該作者

引用：我同男朋友一齊一年多d，有個9個月大既女，

原帖由 koalababie 於 13-05-29 發表
我同男朋友一齊一年多d，有個9個月大既女，初頭大家認識唔深，真係覺得好愛對方，覺得一齊唔會後悔，我為佢 ...

咁人渣？

私人傳訊

hellohaheidi

別墅

積分: 704

3^#

發表於 13-5-29 09:44 |只看該作者

回覆：有d心淡…來呻一下

咁對個親生女，好人有限！

私人傳訊

cnynicole

珍珠宮

積分: 33519

育兒性格勳章 DHA勳章畀面勳章 BK Milk勳章 hashtag影視迷勳章

4^#

發表於 13-5-29 09:54 |只看該作者

咁打個女.. 我覺得你C6好衰呀

你都好慘... 放棄咁多野... 最後現在佢咁對你地2個

私人傳訊

小manman

翡翠宮

積分: 85627

5^#

發表於 13-5-29 09:56 |只看該作者

回覆：有d心淡…來呻一下

我睇你個標題，佢咁樣對你，你都只係有d心淡

直頭係好心淡，應該要死心喇，反正你地都未結婚，的起心肝離開呢個人渣喇，仲留係佢身邊有得分咩？？根本係一可取，跟住佢對你對個女都無好處，你話如果佢肯比錢你，都話睇錢分上呀，連養女錢都要自出埋，家用又無，我係你就諗都唔使諗，走喇！！

私人傳訊

holland_muihk

子爵府

積分: 10833

2018復活節勳章親子王國15週年勳章畀面勳章 BK Milk勳章開心吸收勳章

6^#

發表於 13-5-29 09:57 |只看該作者

路係自己楝冇得後悔，而家唯有俾佢最後一次機會，認真咁傾下以後既路大家應該點樣行落去，如果傾唔掂或佢根本冇改善，我諗你都係決斷D同佢分開算啦，同屋企相量下道個歉搬番屋企，起碼有人睇住bb先，無論如何你都係佢地個女，都唔會想睇到你而家咁，有時父母反對你同個咁既人一齊唔係冇理由，但當下你要問清楚佢地唔鍾意既原因而唔係意氣用事同家人反面!!
經一事長一智，唔趺過唔知痛，呢個男人係咪真係值得你再浪費時間同佢拖落去呢??? 首先為bb諗左先，bb以後既路都仲要靠你同佢一齊行!! 有時單親家庭係唔完整，但總好過俾個小朋友係一個唔開心、爸爸唔錫自己既環境下成長!!
衷心希望你可以快d走出迷局，重新整理你同bb既人生!

私人傳訊

Ching20111111

複式洋房

積分: 432

7^#

發表於 13-5-29 09:59 |只看該作者

回覆：有d心淡…來呻一下

有佢=無佢！不如分開自己過！佢好不負責任

私人傳訊

SUSANNA

伯爵府

積分: 17460

好媽媽勳章 BK Milk勳章

8^#

發表於 13-5-29 10:00 |只看該作者

睇完後知你咁後生, 真係有點可惜. 其實你應該離開C6, 你已錯過不只一次, 不聽家人勸告, 無睇清楚呢個男人就同佢有左, 真係大錯特錯, 希望接下來, 你不要再錯了, 同個女過新生活, 比自己同個女新機會及希望.

私人傳訊

Aiyy

別墅

積分: 714

9^#

發表於 13-5-29 10:03 |只看該作者

回覆 hellohaheidi 的帖子

我對個男人真係無話可說....... 佢宜係好差

你要加油呀, 對自己好D, 比心機照顧個女啦

私人傳訊

babymuffin

大宅

積分: 3959

10^#

發表於 13-5-29 10:03 |只看該作者

引用：我同男朋友一齊一年多d，有個9個月大既女，

原帖由 koalababie 於 13-05-29 發表
我同男朋友一齊一年多d，有個9個月大既女，初頭大家認識唔深，真係覺得好愛對方，覺得一齊唔會後悔，我為佢 ...

趁仲後生，快d同佢分開。反正佢$又唔俾，對你同bb又差。趁年輕，快d走。

私人傳訊

kalonice

伯爵府

積分: 18300

11^#

發表於 13-5-29 10:45 |只看該作者

koalababie 發表於 13-5-29 09:11
我同男朋友一齊一年多d，有個9個月大既女，初頭大家認識唔深，真係覺得好愛對方，覺得一齊唔會後悔，我為佢 ...

佢甘賤, 妳打定輸數吧啦!

私人傳訊

VIVIANLOVEBB

子爵府

積分: 11395

12^#

發表於 13-5-29 10:51 |只看該作者

個男人幾歲?
好人渣,好無責任感..完全唔係一個男人

如果我係你.寧願無男人....靠自已都可以生活到..試下同家人傾下..家人始終會幫你

我覺得你真係好傻..快點重新生活

私人傳訊

大肥羊

大宅

積分: 3908

13^#

發表於 13-5-29 12:55 |只看該作者

呢個男人其實未戒奶, 冇責任感, 咩都冇為你付出,淨係要你付出,為左個女你應該好好打算下

私人傳訊

肥鴨媽媽

男爵府

積分: 6435

畀面勳章

14^#

發表於 13-5-29 13:59 |只看該作者

回覆 koalababie 的帖子

既然當年傻左一次，現在係時候撥亂反正喇。

私人傳訊

JessL

大宅

積分: 3693

15^#

發表於 13-5-29 14:01 |只看該作者

回覆：koalababie 的帖子

快D離開搵個另一介，咁對自己女，無人性，遲早打你tim丫！

私人傳訊

ling6236

男爵府

積分: 6089

16^#

發表於 13-5-29 14:09 |只看該作者

回覆：有d心淡…來呻一下

我走左十世！咁對我個女我即刻報警拉鬼左個人渣！你要加油！橫掂依家有爸爸都等於無爸爸！唔好再比佢傷害你個女！記住

私人傳訊

ilovetofuhua

大宅

積分: 2132

叻叻勳章爸B勳章

17^#

發表於 13-5-29 14:38 |只看該作者

睇落佢都唔care個囡.. 又唔care個家....
佢仲敢整個囡..... 真係唔係好人....

LOVE LOVE LOVE

私人傳訊

FION_CHI

大宅

積分: 1480

18^#

發表於 13-5-29 14:45 |只看該作者

引用：我同男朋友一齊一年多d，有個9個月大既女，

原帖由 koalababie 於 13-05-29 發表
我同男朋友一齊一年多d，有個9個月大既女，初頭大家認識唔深，真係覺得好愛對方，覺得一齊唔會後悔，我為佢 ...

你回望返你所說的話，有看到他有1個可用之處嗎？我唔評論你當時有幾傻唔睇清楚同相處清楚，好多野無得後悔只有面對，你現在是打算呻完就算定解決？解決除左分開之外我諗無其他方法，首先佢太細完全唔定性，年紀大既都可以無責任，何況他？當然有個別例子，年紀細也有責任，但他一定唔係嚕，說真的，你認為他到呢刻把你當什麼？發洩唔到就搵個女出氣？我從你文字中只看到他沒責任，不打算承擔亦沒有知覺自己已經是人老公同爸爸，這就是一個教訓吧，有時人唔經歷就唔會成長，看我就知啦，我依家都承受緊年少無知時既錯誤

私人傳訊

koko2000

公爵府

積分: 25538

19^#

發表於 13-5-29 14:47 |只看該作者

呢d人無得救架, 可唔可以搬番媽咪度住, 自己比心機湊女, 反正您地都無結婚. 等女女大d, 睇下可能會遇到個更好既..........

私人傳訊

喊包

大宅

積分: 1156

20^#

發表於 13-5-29 15:16 |只看該作者

回覆：有d心淡…來呻一下

咁對自己個女你都忍得？如果你真係好媽媽就及早離開呢個男人唔好俾佢再傷害你女。同佢一齊你一早知唔會有好結果只係你想一直拖死唔到心。咁狠心既男人你重想同佢過人世？你冇左佢唔得咩？佢比左啲咩你同個女先？你而家要靠佢生活咩？唔係就早走早着！唔好浪費自己青春！養大個女自己再好好生活落去！你重青春重有機會揾個好男人。痴埋呢個賤男人到聽花言巧語過世？錢又唔係有得比！重有啲咩理由要留係佢身邊滿足佢性慾呀？點解而家重要做到自己咁cheap呀？當初一齊一個月就同呢個男人發生關係未睇清楚佢為人係你自己既錯！為左一個男人同屋企關係差哂(屋企人先係養大你果個，而個男人比過啲咩你？就只係短暫既幸福)係你一錯再錯！！！你唔想再錯落去就返你屋企人身邊對佢地好啲！屋企人係你至親！離開呢個男人！照顧好你個女。你個女冇權選擇地被你地制造出黎。你要做個媽媽