原帖由 叮鈴 於 10-4-22 22:51 發表
Jade
謝謝 你願意聽我的分享 ﹗
其實,之前和 天父 生疏很長很長的時間。
有事才會求祂。
很少讀聖經,也不太喜歡讀,即使返教會也是走肉行屍。
很少禱告。
但自從幾年前小朋友見到邪靈開始,在他來說,他因此比較真實地信 ...
叮鈴,
謝謝你分享生命入面神的"份". 神--係真正要係生命經歷過, 先最真實同堅固, 係經歷嘅過程裡, 少不免有上落同情緒, 會唔好受, 但唯有面對過, 先可以更加認識神, 同認識自己. 自我認知----面對自己嘅罪性, 對我嚟講, 係非常難過嘅時候.
神嘅話語, 係生命根基, 叫我真正活過嚟嘅, 係神嘅愛同恩典, 係神嘅話語中, 接受神嘅愛同建立, 呢份恩情, 唔係幾多解經家, 釋經書可以動搖或改變的.
好欣賞你的耐性, 同付出, 為要叫其他主內, 睇到多的嘅意見, 同埋大家都可能唔多留意嘅事情.
我相信, 神俾每個人的"份", 都有的不同, 各按神嘅旨意同計劃, 基督肢體需要各按其職, 互相配合, 你所睇到嘅, 你有熱心嘅, 可能其他人睇得冇你咁清楚同仔細, 甚或一無所知, 願神祝福你, 可以繼續同我哋分享. 相信神俾你嘅"份".
我自己有經歷過靈界嘅事情, 所以罪嘅真實, 靈界同罪嘅關連, 感受或者會比其他未經歷過嘅深, 我亦深知, 呢個係神俾我嘅份. 所以, 有關嘅事情, 嚐過主恩嘅滋味, 不能閉口不言.
...你們不要憂愁,因靠耶和華而得的喜樂是你們的力量.(尼 8:10)