小巫女女 寫道:
各位,容許我講幾句公道說話,我小朋友其實都係呢間學校既學生,亦有收到同樣既通告,因為我都係做自動轉帳,所以唔會留意到9月份係要交現金,但係我收通告時,係小朋友揸係手,再由老師講該通告內容,而我都有問過點解d通告唔放入通告套,同埋要出一張咁既通告,佢既解釋係原來好多自動轉帳既家長都唔知9月學費係要交現金,所以先出一張通告,話俾d自動轉帳既家長知,而唔放落通告套係因為唔係每位學生都有呢張通告,老師好難去記邊位同學有呢張通告,而且可能有d家長會太忙,唔記得檢查通告套,(我話可能o者,我唔係話我學校d家長真係咁,希望各位唔好介意)所以老師先會咁做,所以我覺得今次只係老師一時大意,係情有可原,而且該位老師亦都已經道左歉,唔通你地想位老師自動辭職先係正確?而且學麟媽媽話齋,我諗跟尾既人都唔會睇到通告既詳細內容,只係會奇怪點解有張紙貼左係小朋友既書包外面,而個家長唔知咁解啫,而且張通告係張幾細下既紙(一張A4紙既3份一大),如果唔係攞係手度或特登留心去睇,基本上外人係唔會睇到內容係乜~(今次就係因為有人特登去睇,然後影埋人地,先會咁樣)
而另一方面,報紙上寫到有d家長覺得學校狗眼看人低,我個人就認為學校一d咁既意思都冇,如果學校覺得你個家庭係經濟上係問題,會交唔到學費,而唔收你,咁就係佢唔啱,而且學校都有教家長申請學費減免,咁樣既話,學校又點會狗眼看人低呢?有問題既係講出呢句說話既家長,係個家長咁諗人地,先會講出呢句咁既說話~
所以總括黎講,學校貼張通告出書包係有錯,佢應該放入通告套入面,等家長自己去睇,而且呢間學校都仲係新學校,之前兩年咁做都冇出過問題,我諗經過今次呢件事,學校知道咁做係唔可行,都會作出改進,希望各位唔好再罵學校,因為呢間真係一間唔錯既學校,試問如果呢間學校唔緊張d小朋友,又點會安排咁多講座及活動俾小朋友呢,又安排家長參觀咁多間小學呢?(我諗真係冇乜邊幾間幼稚園會應家長要求,睇完安排果幾間之後,仲會安排家長額外要求要睇既學校囉)所以都希望各位要以一個正面既方向去睇呢件事~
LapLapMom 寫道:
起初看到這個標題，我都大叫'有冇搞錯!
但看了內文就認為：
1) 校方的解釋可信，看不出有看不起人的意思，家長不要想太多了。如果校方的道歉是有誠意，並承諾改善，為了保持良好關係，不如大事化小。
2) 學校確實是處理不當，其他會員已提出很多更好的處理方法，造成這次尷尬的事件可以說是'巧合'，一個巧合是怕善忘的老師依然真的忘記了，另一個巧合是學生和家長在取書包時都沒有發現那通告。
3) 家長一層一層的投訴到底想得到什麼結果？如果影响了孩子(例如老師、其他家長、同學的特別眼光，轉校)，是否得不償失？
發表於 
返回列表
