泊車泊响一個又窄又多盲點位既車位,窄到左邊係開唔到車門....
c6:一係你車前俾我落先再吞后.
肥妹:好呀,咁你落車同我睇下出面有無車黎.
c6:你個麥嘜吖,我落到就唔使吞前吞后啦
肥妹:係喎
**************
等接亞仔放學ing...無聊中...
c6:媽咪,你而家仲愛唔愛我呀?
肥妹:唔知呀
c6:你愛亞仔多d定愛我多d呀?
肥妹:乜你咁婆乸架,男人老狗問埋d咁既野
c6:要了解下你愛唔愛我囉
肥妹:我同你拍拖果時夠問過你啦,你咪又係無答我,挑:;pppp:
c6:無d咁既事,我咁愛你點會唔答你呢 ?咁我答左咩呀?
肥妹:你當年話:唔好亂諗野,要閃人既話唔會話你知. 我係咪要咁答番你呢?
C6:而家人質响手,你邊會走吖
肥妹:你咪天真咪傻啦....我閃左隨時閑閑地三五七個人質响手TIM
C6打量我上下全身:就憑你今日戰艦般既身體?
肥妹:仲天使般既面孔呢
C6:唉,得喇!夠鐘入去湊放學喇,亞天使
春有百花秋有月 夏有涼風冬有雪 若無閒事掛心頭 便是人間好時節