話說媽媽確疹腦退化症所以要再請人幫手,我倆夫婦同媽媽住,日頭返哂工,得媽媽一個在家。 工人9月上工,話咁快就黎3個月了,so far 又幾好喎,佢英文唔太叻但同佢講慢D佢明嘅。有野唔明佢會講”Don’tunderstand, ma’am” ,好過唔明扮明跟住做錯哂。煮飯嘅野,通常我做一次比佢睇然後佢做。家居清潔都企理嘅。開頭都多野晤記得,都要提。
最好野係我阿媽,佢地兩個竟然話互相溝通度,用手勢,身體語言搭夠。
工人3X歲,有1個幾歲嘅仔,之前4年在沙地做,第一次來港。可能我家比較簡單,所以佢無咩唔妥,正正常常做。 仲有佢好好笑容,成日對住我地笑,可能這樣阿媽鍾意啦。之前請過兩次印印,貪佢識講中文,點知我地返咗工對阿媽黑面兼駁嘴 (阿媽嗰時未有病) ,終於每個印印我地頂咗半年,話極唔改,唯有即炒,真係好嘥錢。