我用左個菲傭成12年,佢下年合約到期我唔會再同佢續,其實我直頭想炒佢,佢係非常無禮貌,每次佢做錯事我話佢,佢必定博嘴,從來無講過一次sorry。 上星期我買左盒鮮奶返屋企比我仔飲,其實呢盒奶上面已經有晒expiry date, 但我都知佢一定唔會睇,我就同佢講要飲左邊盒先。點知幾個鐘後我入廚房見到佢就甘將其中一盒奶擺係度無放入雪櫃,我就問佢,佢竟然話既然我指定佢比我仔早餐飲邊盒先,佢費事撈亂就將另一盒擺出黎,我就問佢咁你唔識睇下個日期架?佢竟然答我,佢一早起身打開雪櫃就random攞架喇!唔會睇! 我梗係即時爆佢問佢有無知識 d 鮮奶擺係室溫儲存係會壞架?佢仲話:咁宜家擺返入雪櫃咯,why so big deal?! 做乜要專登入佢房叫佢出黎鬧佢呢樣野.. 好啦,到今朝,佢忽然問我洗唔洗整返熱我5日前叫佢煲既涼茶比我,我即刻問佢乜我叫佢煲成1碗,佢煲左兩碗仲要係5日後先同我講仲有剩,問我飲唔飲?佢即刻博我話佢expect我開雪櫃個時會睇到,所以佢無講,仲一路係廚房追到我入房質問我點解又係咁big deal要話佢。。。佢仲有好多極品行為未能一一盡錄,佢真係賓妹之霸咯,條友根本就無野做,我返左工阿仔返左學,佢日日係屋企睇電話玩電話,加埋咁無禮貌,我真係好想即炒佢,但始終佢做左12年湊大我仔,又一把年紀又多病,未完約比人炒可能搵唔到下一家。我宜家都唔知點好,對住佢真係命都短幾年...