吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 7月21日去迪士尼之分享

自由講場今日: 2193|主題: 1342254

收藏本版

發帖

返回列表

跳至頁

查看: 870 | 回覆: 9

7月21日去迪士尼之分享 [複製鏈接]

khli617

大宅

積分: 1693

1^#

發表於 08-7-22 00:45 |只看該作者 |倒序瀏覽 |打印

今日我同我個仔(4歲)兩個人入迪士尼, 其實冇乜特別事, 但唔知點解好想講吓...

我地有全年通行證, 係最平嗰隻, 即星期一至五才可入去(紅日唔得), 都去左大約10次8次, 多數係我同我個仔兩個人去, 因為細路仔緊係鍾意去, 我冇乜所謂, 老公要返工+冇乜興趣, 今日就同阿仔暑期班放學後(12:00pm)食埋飯才施施然入去.

大約兩點到迪士尼, 係勁曬, 正所謂萬里無雲, 出門口前我地已經搽左太陽油, 去到再搽多次先得, 我覺得其實担遮比較好, 不過我兩隻手推住架bb車又點担遮? 出黎玩預左要曬! 阿仔淨係去迪士尼呢d主題公園先坐bb車, 佢瞓左or太累唔行要抱佢我就大件事啦!

同埋至少帶多一套衫褲, 真係由頭濕到落腳, 大人細路都係, 當然可以去到買, 有得租bb車添, 不過我就慳得就慳囉, 紀念品去過咁多次都唔會再想買. 我今日帶左1支可樂, 1支檸檬茶+1支水入去, 兩個麵包做tea, 每次檢查時我覺得個檢查員見我笑笑口同佢講唔該又帶住個仔就唔出聲, 如果唔係玩夜左連喺巴斯光年餐廳食野錢都慳番! 通常放煙花前我地會走, 唔想同人逼車就早d走. 而家暑假9:00pm先放, 即迪士尼開到9:00pm, 唔好問我9:00pm到幾多號, 自己上網check啦!

巴斯光年隔離有個玩噴水既地方, 好多小朋友係玩水玩到全身濕晒, 同跌左落水池係冇分別, 甚至我見有小朋友著住泳衣玩, 都咪話唔誇. 如你有小朋友好鐘意玩水, 都係嗰句, 帶多套衫, 有d玩得都好癲, 係咁將d水周圍潑, 我個仔本來只係走去摸吓d水(佢有d驚), 點知比其他小朋友潑到全身濕晒, 好在有衫換咪唔怕囉!

再續...

0 0 0

私人傳訊

Bluecat

大宅

積分: 2907

2^#

發表於 08-7-22 01:22 |只看該作者

係咪勁多人????玩排得耐ma???

私人傳訊

maylo20001121

別墅

積分: 686

3^#

發表於 08-7-22 01:30 |只看該作者

多謝你既分享呀！

哈哈~~~~~~~
我家有個多嘴怪呢？~~~~~~~~

私人傳訊

khli617

大宅

積分: 1693

4^#

發表於 08-7-22 01:53 |只看該作者

排隊之所見所聞:

暑期去迪士尼不外乎多學生, 多大陸遊客, 不過都ok, 玩巴斯光年, winnie the poon 有得攞fastpass 就一定要記得攞, 多人時都要排30-40分鐘, 有fastpass就fast得多啦(廢話)! 由於我個仔只係鍾情於巴斯光年, 我地大部份時都喺明日世界, 排馳車天地排最耐, 要成45分鐘,小小世界最快,15分鐘. 所以最好就攞左fastpass後玩其他野, 返轉頭就差不多用得張fastpass.

大陸遊客唔一定打尖, 香港人唔一定識排隊! 係我今日排隊之見解!

話說有4個大陸人(講國語)突然行到我同我個仔身邊, 我以防人之心不可無的心態, 我即時登大對眼望實其中一個女人, 個女人後來叫她的同胞站在我後面, 她說是我們先行的.

可是在一個轉彎位, 有一家3口港人家庭, 又突然站在我同4個大陸人身邊的中間, 他們是講廣東話, 我又望望那位大陸女人, 大陸女人的表情有點無奈, 後來看到那一家3口跟本沒有退後的意思, 我便跟她說, 你是跟在我後面的, 之後便聽到那位抱著小朋友的爸爸說, 我們要排隊呀!(又好像特登說給我知!)

在這裡我想講, 我不是分什麼人種, 我只是單純地覺得排隊就是排隊, 就是先到便排在前面, 後來便站在後面, 點解這麼簡單的行為就係做唔到?

排隊時我會盡量拖住阿仔(佢有時掛住望風景同玩), 因為佢一唔向前行, 後面的人唔理3,7,21, 都會擁上黎, 我會話佢你唔跟住媽咪會冇左個位架. 唔叫做心得, 但尤其是轉彎位真係特別要小心, 轉彎時有空位d人就係咁攝上黎, 我試過右手拖住阿仔, 左手扶住攔杆, 封左條路d人攝唔到上黎, 不過就差不多貼住我背脊企, 都唔知講乜好!

好夜啦, 如果又突然有mood再分享!

[ 本文章最後由 khli617 於 08-7-22 01:56 編輯 ]

私人傳訊

sako

男爵府

積分: 8832

5^#

發表於 08-7-22 02:14 |只看該作者

講廣東話都可以係廣東省同胞既

私人傳訊

khli617

大宅

積分: 1693

6^#

發表於 08-7-22 02:17 |只看該作者

原文章由 sako 於 08-7-22 02:14 發表
講廣東話都可以係廣東省同胞既

我老公都係咁講, 但佢地有陣"港味"(自以為是中帶點看不起人的表情)+衣著 , 似香港人多d...

[ 本文章最後由 khli617 於 08-7-22 02:26 編輯 ]

私人傳訊

sako

男爵府

積分: 8832

7^#

發表於 08-7-22 02:37 |只看該作者

算啦，香港過多十年八年都會同化哂架喇，
你由我覺得係啦

私人傳訊

virgokaren

伯爵府

積分: 18782

牛年勳章

8^#

發表於 08-7-22 02:40 |只看該作者

細心d聽，廣州人有d廣州音，同香港人講d話係有d唔同的。
我反而覺得深圳d人同香港人開始似。
但大部份廣東省d人都有少少鄉音。

私人傳訊

雪文

水晶宮

積分: 56311

畀面勳章醒目開學勳章 BK Milk勳章

9^#

發表於 08-8-27 09:46 |只看該作者

唔該我想問小朋友穿波鞋有無問題呀 ? 定係要穿涼鞋好 ??

原文章由 khli617 於 08-7-22 00:45 發表
今日我同我個仔(4歲)兩個人入迪士尼, 其實冇乜特別事, 但唔知點解好想講吓...

我地有全年通行證, 係最平嗰隻, 即星期一至五才可入去(紅日唔得), 都去左大約10次8次, 多數係我同我個仔兩個人去, 因為細路仔緊係鍾意 ...

生日月, 開心過

私人傳訊