時政擂台今日: 15|主題: 60253

收藏本版

發帖

返回列表

跳至頁

查看: 3097 | 回覆: 0

[轉載] 經濟開始變壞, 但未算最壞..... [複製鏈接]

HL7646

子爵府

積分: 12372

1^#

發表於 19-11-8 01:41 |只看該作者 |倒序瀏覽 |打印

[p=24, null, left]轉載自HK01

香港零售貨值連跌8個月　9月跌幅卻收窄至18.3%　勝預期[p=24, null, left]零售市道疲弱，政府統計處公布，9月零售業總銷貨價值按年下跌18.3%，跌幅較上月的22.9%收窄，為連續8個月下跌。今年首9個月零售業總銷貨價值按年下跌7.3%。

[p=24, null, left]扣除其間價格變動後，9月零售業總銷貨價值按年下跌20.4%；首9個月合計的零售業總銷貨數量下跌8.3%。

[p=24, null, left]只有燃料銷貨價值上升　其餘全跌

[p=24, null, left]按零售商主要類別銷貨價值來看，期內超級市場貨品下跌2.6%；食品、酒類飲品及煙草下跌13.8%；電器及其他未分類耐用消費品下跌1.4%；珠寶首飾、鐘錶及名貴禮物下跌40.8%；百貨公司貨品下跌25.6%；藥物及化妝品下跌21.7%；服裝下跌26.3%；其他未分類消費品下跌15.3%；汽車及汽車零件下跌16.1%；傢具及固定裝置下跌7.2%；書報、文具及禮品下跌9.6%；鞋類、有關製品及其他衣物配件下跌16.6%；中藥下跌18.2%以及眼鏡店下跌15.8%。只有燃料的銷貨價值上升5.9%。

[p=24, null, left]政府發言人表示，本地社會事件持續令訪港旅遊業及與消費相關的活動受到重創。第三季零售業銷貨量合計按年下跌19.5%，接近一九九八年第三季的紀錄跌幅。零售業銷售表現短期內料會仍然疲弱。政府會密切留意相關情況，以及其對勞工市場和整體經濟的影響。

[p=24, null, left]本人認為9月份的數字的跌幅開始收窄緊, 相信黎緊呢幾個月, 示威開始少左, 零售銷售數據的跌幅會慢慢喘定。只要示威運動日益減少，本人相信零售業會慢慢復甦, 最近先查過在灣仔區的3星酒店的價格, 最近已經慢慢升返去原有價格, 相信失業率唔會大幅上升。(原因係香港勞動人口開始減少, 人口老化令好多企業難請人, 即使有食肆/零售店執笠, 相信失業大軍都有能力可以好快搵到工(指3-6個月內), 大家可以睇下以下呢2幅圖, 呢2幅圖反映左本港自2000年-2019年的零售銷售數據. (只係總銷貨價值和奢侈品銷貨價值有顯示)

[p=24, null, left]其實最近的零售業總銷貨價值比歷史高位係跌左40% 左右, 老實說, 只要呢個情況唔係持續落去, 加上銀行低息, 相信好多零售老細都仲頂得住...........而沙士果陣的零售數字, 其實比而家差9條街,今次事件反映到的係, 其實本土domestic 消費力/購買力仲係好強, 至少我地都仲做到之前有大陸人黎消費的60%. 而且旅遊/零售業加埋的GDP 其實只係佔20-25% 左右, 相信呢2個行業的人有一部份人可能會失業, 但是同時間有好多工都仲係難請人, 所以本人相信失業率並唔會好似97-98年果陣大升, 而且在98-03年果陣, 本港零售業的銷貨價值只係升唔起, 又未至於衰到會大插水, 而且而家零售業的總銷貨價值仲未跌到去綠線的水平(大約係2009-2010年的水平), 所以個人覺得經濟的確係差左, 但未係班商家講到係10年黎最差, 反而部份工種容易請左人就真。

[p=24, null, left]只不過大學畢業生fresh grad 會難左搵工 (尤其是有暴力事件果D 大學), 個人認為職場可能會好似2010年果陣, 搵工會俾人壓價(多左公司咁做), 但未至於無工開......只要銷售數據未跌穿綠色線並且維持超過1年以上, 相信好多公司都仲捱得住, 呢度有D JM 都話有大公司寧願請個中層位返黎無野做都照養人, 可能未必會攬炒。

[p=24, null, left]隨住多左示威者俾人拉, 相信示威的人會越來越少, 經濟復甦會好快出現。

[p=24, null, left]