littlefunpig 發表於 23-11-4 19:56 
正 上天安排左份最好既工比你
我都要的起心肝搞搞佢先
係咪最好唔敢講，不過我當日收到兩個offers都覺得好神奇，第一眼以為係咪HR重憂send咗兩次，因為電郵地址係一個機構，睇清楚唔係喎，係兩個人名嚟。其實真係好似整定咁，而家呢份工當日收到電郵通知面試，個電郵係跌咗入junk mail度，我係日日查電郵，但唔係日日入去junk mail睇，果日心血來潮點入去，點知發覺回覆時間已經過咗（同日下午5點），唔知點解會膽粗粗回覆，同HR講番電郵歸入咗去junk mail，我錯過咗回覆時限，問佢可唔可以安排我參加面試，HR第二朝好早就回覆我話可以，即刻安排時間俾我。
我今年初大大話話面試咗最少10次，有D係見到一半都覺得唔啱，有D答答吓唔知自己講緊咩，有次衰到遇著個interviewer打喊路，心諗有冇搞錯，咁冇禮貌架，後來有survey問番，我雖然唔記得果個人嘅名，都有講番個經驗係非常差。我老公有個阿姨做咗幾十年HR，佢俾咗好多貼士我，叫我慢慢搵，有面試就去，見得多就會得心應手，最初答問題答得唔好，後來越來越有經驗，最後幾次面試係氣氛好愉快。雖然而家呢份唔係我最想做最鍾意，但對比下，係最好選擇，地點、時間都幾好，係自由度暫時唔似以前份工咁大，不過有得有失，起碼我想要嘅人工俾到，有免費醫療同有退休保障。
今日先鼓勵一個好朋友搵工，佢而家果份因為公司被收購，福利差咗好多，就算裁員唔到佢都會做到死，但佢覺得自己年紀大，驚走出舒適圈，又驚搵唔到工，問題係先踏出第一步，唔申請唔send CV又點會搵到工？到有機會面試先再算，有offer再考慮走唔走。
花旗太太生活在花旗國，留意時差，你問我未必即時答到。
發表於 
上天安排左份最好既工比你
返回列表
