吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› Delete

嬰兒醫護今日: 0|主題: 79141

收藏本版

發帖

返回列表

跳至頁

樓主: preciousstone

Delete [複製鏈接]

jenniecatcat

水晶宮

積分: 56409

21^#

發表於 09-8-4 20:23 |只看該作者

原帖由 冰糖小圓子 於 09-8-4 20:11 發表

並唔係覺得人奶唔衛生，而係果個人衛唔衛生無保證，點知佢本身營養夠唔夠，奶水夠唔夠，奶頭係咪清潔，餵時有無愛心架...
雖然牛四腳爬爬，但係我地唔會搵個bb去啜隻牛個奶頭＞＞＞＞嘩！！笑死人！！嘛... ...

私人傳訊

joeywongmy

禁止訪問

積分: 24953

好媽媽勳章畀面勳章環保接龍勳章陪月勳章

22^#

發表於 09-8-4 21:49 |只看該作者

提示: 作者被禁止或刪除內容自動屏蔽

私人傳訊

littlecook

子爵府

積分: 11940

23^#

發表於 09-8-5 14:39 |只看該作者

我自己一路全母乳埋身餵bb到14,5個月,有咗細b,大b自己斷奶,咁先同佢轉羊奶...如果可以,我都想一直餵大b母乳架!

比我選,我會選羊奶而唔會選奶媽既奶比我個大b囉,就算唔駛錢都係咁話!羊奶既生產過程有一定衛生程序,監管,品質控制,測試...

奶媽既奶,真係講唔埋!如果奶媽唔衛生,餵奶前唔洗手,或者餵緊奶又摔眼摔鼻打乞痴等等,對bb都係無保障.

除咗食葯問題,仲要確保奶媽無病喎!雖則好多病唔會透過母乳傳比bb,反而令bb有抗體,但抱住bb餵,咁埋身,都係好容易透過空氣或身體接觸傳到比bb.如果奶媽乳頭受真菌感染,bb個口仔都可能會爛,要用葯!仲有d咩乙肝呀,aids果類大劑d既病呢,如果奶媽有,咁bb食佢d奶係唔係安全,真係要問吓專業人士先知!

唔好講話奶媽d奶呀,有一排我都懷疑我d奶會唔會對bb唔好.早排三聚青胺事件,本來餵母乳就最安樂,但我有陣成日飲蒙牛,我都驚我d母乳有三聚青胺呀!

原帖由 preciousstone 於 09-8-4 18:59 發表
我覺得如果可以肯定奶媽無食藥，佢d奶一定好過奶粉。但當然要一齊住先可以保証奶媽食o左d乜落肚。

私人傳訊

CatEgg

大宅

積分: 4626

24^#

發表於 09-8-5 15:52 |只看該作者

我諗大家都無謂爭拗奶媽奶衛唔衛生
其實都係人奶,點會唔會衛生
請個工人都要求佢衛生,何況請個奶媽,點會唔顧佢衛生情況,沖涼換衫洗手一定要架喇,奶水唔夠都無得留底啦
話唔埋香港真係有d有錢人自己無奶請個奶媽,做哂body check、比埋補品佢補身先餵人奶呢
我反而幾欣賞呢位媽咪自己無奶都希望bb飲到人奶,唔餵奶粉

私人傳訊

preciousstone

大宅

積分: 1325

25^#

發表於 09-8-6 12:26 |只看該作者

如果請得奶媽，唔會埋身餵啦，可以叫佢 pump出來餵，o禁媽咪自己或屋企其他人又可以餵

私人傳訊

littlecook

子爵府

積分: 11940

26^#

發表於 09-8-6 14:31 |只看該作者

唔同階段既母乳,成份會不同.
例如,奶媽餵到自己bb2yr唔餵啦,pump d奶比僱主太太既初生bb,但其實d奶同剛生完既媽媽奶係成份唔同既,未必最適合.
如果自己媽媽餵返,最初果d係黃金初乳(色澤黃dd既),成份最適合初生bb,最寶貴,係成熟奶媽既奶無法比到既.慢慢d奶變返白色d,已經唔係黃金初乳.到大約4個月左右(唔知有無記錯),奶就會變成成熟乳,成份都唔會有太大變化.但隨天氣,媽媽的身體情況,都會有些少變化,例如稀杰程度,味道.
如果pump出嚟餵,都可以減少埋身的問題.但都唔保証奶係安全衛生,因每個pump奶程序,用品,儲奶過程,都存在風險.我坐月時pump奶/擠奶比bb,我自己已經覺得好小心同乾淨,但仲成日比陪月check實,一陣又話我呢樣果樣會唔乾淨...陪月都咁緊張,掉返轉,媽媽應該仲緊張個奶媽點pump奶!
另外,人奶响儲存過程,抗體係會流失既,時間愈耐,流失愈多.儲存容器,解凍方法,都會影响抗體流失既程度.所以,如果係全職媽媽自己餵,埋身最好.在職媽媽無辦法,pump奶都好過奶粉既.至於奶媽既奶,除左衛生問題,仲要考慮埋佢食咩.食d熱氣野,bb就易熱氣.食d脹氣野,bb就多風.飲左coffee茶同古古力,又驚有咖啡因.食spicy,濃味野,d奶可能都有味.食蝦蟹,又驚令bb敏感...餵人奶,介口都要好清架!如果係自己媽媽餵,為左自己bb,點都儘力介啦,但人地既bb喎,會唔會咁為你介?或者係contract寫清楚,但有好難enforce喎,唔通24小時睇實佢食d咩咩?
要請香港人奶媽,我諗真係唔容易啦.有得奶既,都有自己個細bb要睇啦,自己個bb都要食啦!請個大陸人(你肯比錢實有人做),比我就信唔過啦!
你個朋友,如果可以,不妨都試吓餵啦,起碼都餵初段時間,等bb都食到d黃金初乳.
唔好意思,長篇大論.絶對唔係想challenge你既朋友請奶媽既諗法,只係想提一d要考慮既因素.我係絶對支持母乳餵哺既,我餵大b餵到歲几,懷左細b先等餵,細b都會打算餵母乳.我相信母乳係最好,只係,奶媽既奶,係咪等同媽媽自己既奶咁好,又或者好過奶粉,真係要權衡利弊,諗清諗楚!話晒bb頭6個月既營養,成長,真係靠晒佢!