自由講場

收藏本版
發帖
返回列表
跳至頁

首頁
1234

尾頁
   0
mamabinbin


複式洋房

積分: 283


61#
發表於 07-5-2 01:12 |只看該作者

Re: 有冇遇過明星?邊個印象最深刻?

我都見過好多明星, Mm.... 等我諗諗:
十年前响蘭桂坊97吧見到以下三個人:
1) 李嘉欣: 真人又高又瘦, 勁靚女, 見咁多明星佢最靚!
2) 舒琪: 皮肤好黃, 面上好多雀班, 頭髮好似掃把, 不過身材好平均, 但個咀好肉酸, 好似2條孖潤腸咁, 但聲仲難頂!
3) 吳君如: 估唔到真人又幾靚喎!

4) 劉嘉玲: 都係10年前到, 有晚响深水灣見佢到曾江拍戲, 頭頭唔知佢係邊個, 跟住d工作人員話我知佢咪劉嘉玲囉, 嘩! 乜咁老呀, 跟住個工作人員話: 你仲靚過佢啦.... 諗諗吓又係, 青春無敵呀! Wakaka

5) 譚詠麟: 响水車屋, 同上電視差唔多, 不過好多嘢講!
6) 亞B: 响水車屋買外賣比B嫂, 老老地囉, 不過好nice!
7) 陳欣健: 個樣好怪, 咸咸濕濕咁
8) 古天樂: 响Manhattan Disco同黎小田一齊囉, 個時佢啱啱出道, 又係我個friend個friend, 所以係咁以點點頭, 黑黑實實囉, 咁啱啱出道唔係話太型仔
9) 郭可盈: 銅鑼灣sogo後面行街, 幾靚女, 不過好瘦
10) 夏惠姨: 假人咁囉, 個假髮好似就嚟甩, 個裝好嚇人!
11) 謝偉俊同白姐姐: 响愉景灣見到佢哋, 好nice, 仲同我哋打招呼! (個時唔知個個男叫謝偉俊, 係後期先知)
12) 秋生: 見佢好多次, 有次响灣仔見佢扶個亞婆過馬路, &有次响銅鑼灣見佢我衰多口叫咗佢秋生, 佢就同我say hi, 估唔到佢咁有禮貌
13) 馬德鐘: 响銅鑼灣皇室堡下面, 好高大, 好大隻, 見到佢佢對住我笑, 仲點點頭, ok
14) 吳鎮宇: 都係响皇室堡下面見到佢, 黑黑實實, 估唔到真人都幾型仔, 都係同我笑笑, 點點頭
15) 黑仔: 响香港仔隧道口出嚟, 佢搽緊車, 我坐條仔架車前面, 見到佢覺得好熟口面, 當時唔記得佢係邊個, 仲以為係自己d friend tim, 跟住佢見到我望住佢, 佢就主動揮手同我say hi, 我就回咗個點點頭, 後耐先記得佢係黑仔囉, 不過家吓都死鬼咗lu
16) 黎姿: 見佢個時好耐前, 我記得佢個時已經同黃生分咗手, 我响九龍某間酒樓嘅洗手間見佢, 一齊照鏡, 跟住就見到佢, 幾靚, 個樣好骨子, 但唔係好高, 同我差唔多, 細細粒咁囉
17) 劉德華: 响維園網球比賽佢嚟做嘉賓, 好瘦囉, 唔高, 不過個樣都幾靚仔
18) 謝賢: disco同埋响朋友聚餐見過佢, 幾man, 不過口花花
19) 謝檸檬: Manhattan見過, 佢老豆介紹, 幾型仔, 唱歌都ok, 不過成日都痴住d姐姐仔玩, 另外响中環見過佢拍過戲
20) 李龍基: 某餐廳, 仲走嚟了我隻狗仔玩
21) 容祖兒: 第一個演唱會, 我坐最前面第二行到, 啱啱响楊生後面, 唔記得邊個送張飛比我, 好矮囉, 皮肤黃, 個樣好醜, 不過唱歌真係唱得幾好, 成朝望住佢老闆唱歌跳舞囉
22) 欣宜: 响書展近距離見到, 個樣好普通, 減咗肥都仲係覺得佢好肥, 但個面型唔肥喎
23) 成龍: 响英皇樓下見佢拍車, 好老, 好矮
24) 宣萱: 皇室堡買電腦見到, 黑黑地, 但無咩化粧, 不過好有禮貌
25) 名模李嘉慧: 本來認識佢, 但後耐佢生咗, 諗住打個電話恭喜佢, 點知人哋話唔記得我係邊過. 佢比我感覺就單純d, 化粧前同化粧後好大分別囉
26) 亞視王薇: 本來係同學, 選完亞姐攞咗亞軍不可一世咁, 佢亞媽仲話有個咁嘅同學係咪好自豪喎! 後耐無再搵佢... 啫, 我唔選啫, 我選你都行埋一邊啦, 有咩咁巴幣! :tongue: :tongue:
27) 亞視袁文杰: 都係識, 不過唔係太熟, 好好人, 好高, 好靚仔
28) 大口清: 我前夫個哥嘅朋友, 好好人, 有禮貌, 真人個口依然咁大, wakaka
29) 元華: 都係我前夫個哥嘅朋友, 勁好人, 又有禮貌
30) 大力: 同上, 又係好好人, 超級有禮貌
31) 陳法蓉: 水車屋見過, 好普通, 唔係太高
32) 向海嵐: 响中環見到, 超級普通, 差d都唔知佢係明星
33) 馮德倫: 响Disco見過, 幾靚仔, 個樣真係好似我前夫, 佢都幾鐘意望女囉.
34) 錢慧儀: 我以前男友嘅家姐, 塊面好長囉, 機場身材, 最憎佢無人性唔理佢屋企人, 仲唔認老豆老母囉.

仲有個d 太普通, 唔寫啦....

呀! 不過有幾個印象較深, 係我妹夫話我知(佢响機場做):
1) Gigi: 勁扮嘢, 以為自己係大支嘢咁, 有超級無禮貌, 鐘意投訴人, 所以成個Airline d人好憎佢, 勁唔鐘意serve 佢, 所以人前人後都係咁乞人憎
2) Jacky仔: 估唔到一個細路仔都識扮嘢, 仲好串tim. 我覺得係佢亞媽害咗個仔囉
http://hk.myblog.yahoo.com/hilphenkong
私人傳訊

winkdex


大宅

積分: 3610


62#
發表於 07-5-2 01:16 |只看該作者

Re: 有冇遇過明星?邊個印象最深刻?

我遇過好多次啦!前日o係LCX見到勝麗明,好高,上個月睇完janice演唱會o係紅館外遇到泳兒,佢走得好快,冇乜人見到佢,演唱會內遇到nikki,應昌祐坐我附近,上年胡杏兒,李詩韻,高釣賢,許志安o係我屋苑後花園拍肥田喜事,前幾個月區陽震華,jacky仔o係我屋苑會所拍戲,前幾年阿仔讀cckg時成日見到鄧梓鋒接小朋友's放學,其他仲o係沙田遇過楊怡,conrad hotel遇過juno,銅鑼灣遇過舒琪,11年前張學友o係多倫多開concert時係我公司贊助,有傾計tim,13年前張學友,黎瑞恩o係多倫多開concert冇睇演唱會,不過有o係洒店等佢o地合照,簽名,都有傾計tim,o係多倫多時,李子雄,方曉紅,羅慧娟,林漪琪都係我公司常客.又係有傾計tim,仲同李子雄,方曉紅去過滑雪。其他買飛專登去演唱會睇同埋商場做show o個D唔計啦,如果唔係有排寫。仲有一個唔係明星,係陳裘大,佢住我屋苑,o係穿巴遇到佢,仲有傾計,佢架車拍o係我老公架車隔離。
私人傳訊

rubytang


子爵府

積分: 12706


63#
發表於 07-5-2 03:40 |只看該作者

Re: 有冇遇過明星?邊個印象最深刻?

我印象最深既係:
1, 張學友, 同佢地一班人一齊係紅磡既一間酒店飲過野,
勁nice, 同我地傾左成粒鐘, 又影相又簽名,
都無話唔耐煩,
幫我簽左好多相, 仲連我自己既相都簽埋一份~
2, 林青霞, 係會展見過, 真人靚到, 我見到佢都暈得一陣陣,
不過係十幾年前既事,好有氣質, 十足瓊瑤筆下既女主角~
3, 蕭芳芳, 十幾年前係溫哥華既一間戲院門口遇見,
好高又有修養, 幾高貴~
4, 張兆輝, 係機場碰見佢, 同佢傾計好nice無架子, 無黑面~
5, 女廚神, 蘇玉華, 係海運停車場見到, 真人皮膚好白淨,
幾靚~
6, 大傻哥-成奎安,十年前假日係石崗機場改為電單車場見到,
真人同戲入面一樣樣, 又係惡形惡相, 講野大大聲,慌人唔
知佢係邊個咁, 但同我地傾計就都幾好傾~
7, 王敏德, 真人好有型,幾nice
8, 羅嘉良, 真人幾靚仔, 但好瘦, 幾nice
9, 家燕姐, 好有福相, 又好笑容, 同我地打招呼~
10, 胡楓, 真人都唔係好老, 幾nice
11, 李司棋, 係停車場見過一面, 勁串, 好似睇你唔到咁,
黑面無打招呼, 同胡楓一齊, 兩個正反對比~
12, 吳君如, 個時佢仲係tvb歡樂今宵果度做, 仲未減肥,
果次應是tvb係沙田有function表演, 同佢同一部lift,
我入先, 跟住佢入, 全程由頭望到我落腳, 上下打量我,
無同我笑或打招呼, 唔知係佢覺得我靚過佢丫,
定或是想減到同我一樣樣呢~
私人傳訊

SukiYau


子爵府

積分: 12326


64#
發表於 07-5-2 04:17 |只看該作者

Re: 有冇遇過明星?邊個印象最深刻?

之前都見到好藝人,不過都好似好假咁,但係唔記得05定06年係威院見到廖啟智同陳敏兒,我諗佢大個囝去睇醫生,係等睇醫生出面有個地方比小朋友玩,我見有個細路比人整到跌左落地下就係度 :-( ,之後陳敏兒就抱起左佢,叫佢唔好 :-( ,小朋友仔都冇心整到係既,仲對住果個細路笑,個細路好似驚,就話我冇整到佢,係佢自己唔小心跌到,陳敏兒就同講:係呀,係la,佢唔小心趺倒羅,之後唔係好耐廖啟智就黎左,佢地就一齊走,我覺得畀我就冇咁好心機同個細路講,一睇就係佢整到人,但陳敏兒仲咁好咁同佢講野

私人傳訊


首頁
1234

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見