吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔知點同阿媽相處下去.......

婆媳關係今日: 0|主題: 27768

收藏本版

發帖

返回列表

跳至頁

查看: 4390 | 回覆: 28

唔知點同阿媽相處下去....... [複製鏈接]

beubeupig

大宅

積分: 1713

1^#

發表於 13-12-30 13:27 |只看該作者 |倒序瀏覽 |打印

本帖最後由 beubeupig 於 13-12-30 14:41 編輯

自小阿媽都有d脾氣,成日鬧我們三姊弟,其實佢最錫我兩個細佬,唔鍾意我,而阿爸就大家都錫,不過表面上錫我多d,由於阿爸媽都冇讀書,自小家中大細事務,申請d乜,都係我處理,阿媽有什麼事,都係搵我做

由我出來工作開始,佢睇家用好重,成日唔開心,就搵我來鬧,到我結婚了,都係俾大份家用, 到我生了大女,阿爸叫阿媽幫我湊,(佢以前幫人湊小朋友),佢要求好似同外人湊咁,加家用,煲粥加錢,幫我買bb野要當晚俾$$,

於是,阿囡日夜放在阿媽處,我同老公晚晚返去食飯,放假湊阿囡回家,到阿囡歲半時,阿媽發現腦前額有腫瘤,做左開腦手術,之後阿囡只是日間在阿媽處,夜晚我湊番,又請左鐘點幫佢做家務, 自開始湊阿囡,阿媽成日向我發脾氣,話湊仔困身,話男家d人唔幫手湊 (我冇老爺奶奶,男家只有當時70多歲的太麻),佢又成日話男家d人唔熟手,驚湊壞手勢,我已忍得好辛苦,我已提出請工人,不用佢太辛苦,但我阿爸話唔放心工人湊
p.s. 我阿媽話我屋企交通唔方便,附近又冇街市,食肆等,唔會上來我家

今年9月我生左阿囝,阿囡5歲,返上午班, 生之前已同阿媽商量好,請左一個相熟住附近的姨姨日間幫手, 阿囝日夜都在阿媽湊,夜晚我們湊番阿囡,阿囝出生時,阿媽勁發我脾氣,在醫院都俾佢在電話鬧,話我生左仔後唔理個女,在醫院時只有老公照顧我,負責拿飯俾我,坐月時亦是成日鬧,當然姨姨都有問題,不主動,不熟湊初生,幫唔到手,而我阿媽因為太辛苦(當時我在醫院,佢同阿女都病了),所以向家人發脾氣,姨姨都有反映阿媽雖然唔係向佢發脾氣,但在現場都會不太舒服,唔想做
(ps我阿媽發脾氣時,大力掟手袋,大力閂門,借鬧阿囡俾說話我聽, 做野呯呯嘭嘭,俾人知佢嬲緊)

終於,換左姨姨,搵左相熟鐘點幫手,好了一排,又是這樣,信唔過人,d野自己做,唔叫姨姨幫手,如收衫,又投訴新姨姨,人工高,但做唔到佢要求,冇分工,上午做哂,下午冇野做 etc,但呢個姨姨已在媽家做鐘點三年多了,佢日日發脾氣,但唔會講,要你知估佢想點,成日同阿囡講d難聽的說話,但其實係俾說話你聽,間中夾雜粗口,佢對我的不滿都是由阿爸,細佬,姨姨口中得知,從來唔會當面同我講......

其間已同佢嘈了兩次,但佢永遠覺得冇錯,係我做囡做得唔好,其他人幫我講好說話,佢就話人,話所有人都幫我,阿囡自懂事已好怕返婆婆度,最近仲嚴重,喊哂口話唔想去婆婆度,話婆婆惡, 見到都心痛,

阿媽近兩個月日日發脾氣,(不只我,係全家人冇一倖免),我同佢講野,唔睬,只講必須的,仲要搵人傳話,家人叫我夜晚都湊阿囝回家湊,星期六日我老公湊兩個(因我返shift,隔個六日返工),阿媽只湊星期一至五日間,都唔滿意, 但冇人知佢嬲乜,想點.......

最於,我們請工人不用佢湊,阿媽依舊發脾氣,唔睬我,唔溝通, 我成日都想改善關係,努力了幾年都冇用,約佢去街,有時約好冇端端發脾氣唔去, 我們已問左醫生,開腦手術對佢d情緒有冇影響,醫生話冇,阿媽話我們唔激佢便好,想同佢睇精神科,但唔知點講,宜家咁,更加冇得講.....
(ps我已俾一萬家用,再用八千幾請姨姨,佢話有事做,我即羅假湊仔,成日同佢去街,幫佢買野,處理娘家大小事務)

現在唯有請左工人,少見面,少磨擦

0 1 0

私人傳訊

anna59

珍珠宮

積分: 49459

2^#

發表於 13-12-30 13:52 |只看該作者

回覆 beubeupig 的帖子

佢幾多歲?
系唔系有1. 抑鬱症; 2. 情緒病; 又或者更年期?
最好唔好比小朋友佢湊, 因為會影響小朋友

私人傳訊

summerpo

禁止訪問

積分: 18357

畀面勳章 BK Milk勳章

3^#

發表於 13-12-30 14:05 |只看該作者

回覆：唔知點同阿媽相處下去.......

提示: 作者被禁止或刪除內容自動屏蔽

私人傳訊

fanny219

大宅

積分: 3295

4^#

發表於 13-12-30 14:18 |只看該作者

其實你由細到大都明知你亞媽難頂, 點解仲要比佢湊呢? 唔明!

點評

D-chan 未就係，個囡都成5歲，學曬婆婆d衰野就大獲。忍左試左咁多年都繼續。我都唔明。唉。發表於 13-12-30 22:13

bee918 同意. 佢會覺得你欠左佢好多發表於 13-12-30 15:02

私人傳訊

方方媽媽

水晶宮

積分: 74328

5^#

發表於 13-12-30 14:40 |只看該作者

我媽同你媽好似,唔同的是,她好錫仔女,同仔女無計錢銀,只係性格太強,咩都要管,咁我地個個都幾十歲,有自己性格、自己家庭和生活模式,唔聽佢支笛,佢就成日都唔開心.
近年,我請求一位社工朋友,學點同媽媽相處,
依家,當我媽野蠻,無理取鬧時,我會好冷靜咁指出佢既錯處,
初時,佢會發癲咁鬧我,唔認佢一切講過既做過既野,甚至要生要死,
但係,我仍然冷靜,唔比佢既情緒嚇到,繼續表達,我係關心佢,愛佢,但佢唔可以再忍受佢無理取鬧,我會收佢線.減少見佢.等佢自己冷靜下.
慢慢地,佢真係有改變.
幾十年來,我媽講咩、做咩,都無人敢開口逆佢意,我朋友話,係我地(阿爸、仔女和其他親戚)縱壞佢.
我媽都可能有點抑鬱,我已講服佢,去睇醫生.
我直接指出佢既行為,係病態,同時,我亦安慰佢,抑鬱同感冒一樣,睇醫生就會好番囉.係好小事.食粒開心藥就開心番.佢依家都肯聽.
每個家庭每個個案都唔同,你可以搵社工傾下先.

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

6^#

發表於 13-12-30 14:44 |只看該作者

你係一個孝順女.

除了情緒病外, 亦可能湊小朋友對你媽來說太大壓力, 俾工人湊後, 過幾個月再睇下佢有冇好轉.

私人傳訊

beubeupig

大宅

積分: 1713

7^#

發表於 13-12-30 14:45 |只看該作者

anna59 發表於 13-12-30 13:52
回覆 beubeupig 的帖子

佢幾多歲?

剛59歲,我都認為係情緒病,所以都想勸佢睇醫生,但冇可能

佢在96年割左子宮,幾年後冇食荷爾蒙藥,我又問過我個婦科醫生,佢話未必闢事~

為了小朋友,所以請工人,唔想影響小朋友

私人傳訊

beubeupig

大宅

積分: 1713

8^#

發表於 13-12-30 14:50 |只看該作者

回覆方方媽媽的帖子

真係好似呀,都有親友,朋友話我地縱容佢的,
我都承認,因為我阿爸,兩個細佬採取忍,唔理的態度,
同佢地傾阿媽的問題,只會講"忍", "冇辦法"

我想問點樣搵社工協助?唔知點開始~

私人傳訊

beubeupig

大宅

積分: 1713

9^#

發表於 13-12-30 14:53 |只看該作者

本帖最後由 beubeupig 於 13-12-30 14:58 編輯

回覆 fanny219 的帖子

佢以前係惡d,偏心d但都對我好的,唔會亂發脾氣,冇理取鬧,
而且佢湊小朋友真係好好,始終自己人湊好過搵工人,
只係唔知道佢現在變成咁

私人傳訊

bee918

伯爵府

積分: 17252

10^#

發表於 13-12-30 15:07 |只看該作者

beubeupig 發表於 13-12-30 14:53
回覆 fanny219 的帖子

佢以前係惡d,偏心d但都對我好的,唔會亂發脾氣,冇理取鬧,

湊小朋友真係好大壓力, 莫講你媽, 我地後生都吾係人人頂得到.
當初一發覺佢脾氣變壞就應該吾好比佢湊了, 一家人關係和諧都好重要.
不過而家都吾遲, 希望吾使佢湊之後壓力可以平伏.

The only thing necessary for the triumph of evil is for good men to do nothing.

私人傳訊

fredskywalker

別墅

積分: 809

11^#

發表於 13-12-30 15:21 |只看該作者

回覆：唔知點同阿媽相處下去.......

不斷發脾氣和鬧人都係有可能係有精神方面的疾病，可能是狂燥病，但係要帶她去睇醫生不是那麼容易，因為她未必肯合作和接受到，但係可以拍下片，再找相關的醫生了解，或許可以改善。

私人傳訊

方方媽媽

水晶宮

積分: 74328

12^#

發表於 13-12-30 16:41 |只看該作者

beubeupig 發表於 13-12-30 14:50
回覆方方媽媽的帖子

真係好似呀,都有親友,朋友話我地縱容佢的,

我地由細到大都好驚阿媽發嬲架,所以好"順"佢意.
原來咁做係唔arm,正如教小朋友一樣,佢做得唔arm就要出聲話比佢聽.
我最細的弟弟,恃住阿媽鍚,就用發脾氣方式表達對阿媽無理取鬧既不滿,最終,兩敗俱傷.
我最初"反"我媽時,都好驚架.但只要心平氣和,同埋嚴肅地講,唔好比佢既情緒牽動到,原來係work既.
至於社工方面,你可以上網找"社會福利署家庭綜合服務",應可以搵到你果區的社工.
加油!!

點評

beubeupig Thanks!

等安頓好工人姐姐,就會處理阿媽的情緒問題發表於 13-12-30 17:00

私人傳訊

fanny219

大宅

積分: 3295

13^#

發表於 13-12-30 17:07 |只看該作者

回覆 beubeupig 的帖子

我反而唔會比老人家湊, 始終佢哋老, 要響清福. 同埋老人人係會"種". 而且,佢地舊時湊既方法同我哋嗰代都唔同, 同佢哋講, 佢肯定唔聽, 最終咪自己屈住屈住. 工人, 你可以話, 可以講!!所以我兩個小朋友都係工人湊.

私人傳訊

Wilson_Mami

複式洋房

積分: 435

14^#

發表於 13-12-30 17:30 |只看該作者

你地真系無緣分咯！點解個啊媽可以甘對自己個女，大家都有錯，即使你媽病左但系之前距都甘對你，你太就你媽變左距以為你系應分既，你媽就變本加厲！大家點都系一家人！應該大家坐埋一齊諗解決既辦法

私人傳訊

littlefafa

大宅

積分: 2619

15^#

發表於 13-12-30 21:16 |只看該作者

回覆：唔知點同阿媽相處下去.......

我覺得小朋友唔可以喺啲咁既環境成長，聽到你請工人，都鄧你高興
其實我媽咪都火爆，所以我最後都係請工人接走佐小朋友。之後佢亂發皮氣，我就唔搵佢一排，佢就會好啲。
我自己好怕屋企好嘈，日鬧夜鬧為咩呢？所以一有唔妥我即閃

私人傳訊

beubeupig

大宅

積分: 1713

16^#

發表於 13-12-30 21:40 |只看該作者

回覆 littlefafa 的帖子

係呀,所以宜家我都係忍,食完飯即閃,就算放假得我一個湊兩個,我都唔去阿媽度,
我好眼淺,容易受人影響情緒,
我坐月時不知喊了幾多眼淚

私人傳訊

Evilgrin

侯爵府

積分: 22888

hashtag影視迷勳章

17^#

發表於 13-12-30 21:53 |只看該作者

beubeupig 發表於 13-12-30 14:50
回覆方方媽媽的帖子

真係好似呀,都有親友,朋友話我地縱容佢的,

我媽都係咁，我地咩方法都試過都無用，軟硬都唔得。佢狂鬧之外仲會扔野，然後就會開始鬧幾十年前既野，沒完沒了。我地而家放棄，全家都採取忍、唔理、順住佢既態度，希望佢唔好成日發顛就好了。

私人傳訊

bbsukiyw

大宅

積分: 2048

18^#

發表於 13-12-30 23:02 |只看該作者

不如過多一排,你自己返去同媽咪傾下計,比佢點話都好,喊晒出黎又好,你又講下擔心佢同關心佢(千其唔係叫你數咁多年黎既怨呀)...等佢可以發洩一下.

私人傳訊

littlefafa

大宅

積分: 2619

19^#

發表於 13-12-31 05:21 |只看該作者

回覆：唔知點同阿媽相處下去.......

做媽媽的都要堅強，加油！
有時我覺得太影響我情緒，我就會避開佢。唔係唔孝順，而係我都被迫都入死角。等大家都冷靜一排，我既經驗係會好啲。

而家有時婆婆會叫工人姐姐帶bb返去玩一個下午咁，佢無壓力，好似都無咁大脾氣。我bb之前都話唔要婆婆，依家，不知幾鍾意。

我之前同你面對的都好相似，媽媽加油，互勉之。