論盡家傭

收藏本版
發帖
返回列表
跳至頁

首頁
1

尾頁
   0
natzuki


伯爵府

積分: 18397

熱血勳章


1#
發表於 07-10-8 14:11 |只看該作者
朋友是單親爸爸, 一直都有請菲傭照顧女兒(費用由前妻支付), 但女兒明年將升讀中學, 番全日制, 前妻認為唔使再請菲傭.

現時個菲傭會於今年年底約滿, 如果再簽合約, 就要簽兩年, 但朋友一個人擔起頭家, 根本就無錢再請2年菲傭, 前妻亦唔肯出錢請; 但如果唔請人, 朋友又怕女兒在下學期(即明年頭半年)沒人照顧, 又要考升中試, 怕佢一時間適應唔到; 家中的家頭細務又會徒添壓力. 請問有無可能請到簽一年約的菲傭(我唔熟法例)? 或者請鐘點的收費係點? 或者有無其他好提議可以幫幫佢? Thanks!
私人傳訊

pollybell


子爵府

積分: 14001


2#
發表於 07-10-8 15:53 |只看該作者
讀中學唔需要工人啦,應該學下獨立,家務煮飯可以請中點$50一個鐘,其實應該教佢做下,而家些年青人乜都唔識都係因為由細到大乜都未做過,應該係時候比佢學下,請外傭一定兩年約.



原文章由 natzuki 於 07-10-8 14:11 發表
朋友是單親爸爸, 一直都有請菲傭照顧女兒(費用由前妻支付), 但女兒明年將升讀中學, 番全日制, 前妻認為唔使再請菲傭.

現時個菲傭會於今年年底約滿, 如果再簽合約, 就要簽兩年, 但朋友一個人擔起頭家, 根本就無錢再 ...
私人傳訊

寶貝豬的媽咪


別墅

積分: 637


3#
發表於 07-10-8 16:33 |只看該作者
我都明白你朋友的心情, 女兒要到明年9月先返全日, 而菲傭就做到今年年底, 咁即係話有差不多8個月女兒放學(我估返半日)後無人照顧, 放暑假就full day無人睇住, 真係好頭痛.

女仔始終有大人照顧會好d, 尤其是返學和放學段時間, 小朋友得個11、12歲, 有起事上黎都唔知點算. 你朋友不妨同前妻商量下, 為咗個女安全著想, 同埋個女剛剛上中學都需要有適應期, 再請工人多2年, 等個女升上中二, 有得13、14歲時先唔用工人囉. 而且請鐘點仲貴過請外傭.

小朋友學會獨立唔係唔好, 但都要考慮小朋友的安全同埋心理發展, 佢已經無媽媽照顧, 而家得個11、12歲就要自己照顧自己, 我覺得能力許可的話, 就唔好要個小朋友咁悽涼.

原文章由 natzuki 於 07-10-8 14:11 發表
朋友是單親爸爸, 一直都有請菲傭照顧女兒(費用由前妻支付), 但女兒明年將升讀中學, 番全日制, 前妻認為唔使再請菲傭.

現時個菲傭會於今年年底約滿, 如果再簽合約, 就要簽兩年, 但朋友一個人擔起頭家, 根本就無錢再 ...
私人傳訊

kc2021


大宅

積分: 2954


4#
發表於 07-10-8 17:52 |只看該作者
我想, 你朋友家中情形和我家差不多, 不同之處是我不是單親,
但我有老公都 = 無, 什麼事情都只有我一人處理, 小致'一般水喉/換電燈泡問題', 大致'浴缸漏水'到樓下, 佢都'時運高', 不聞不問, 所以我由小兒BB開始, 我都要請工人幫手.

一早上班, 回家的時候, 真是好疲累, 在我小兒小學時間, 我會盡量用我餘下時間同小兒溫習和閒談, 要知道小朋友內心世界, 不是一天半天時間建立, 要長時間相處, 小朋友才會和你談心,

小兒今年13歲, 上了中學, 我開始會要佢學習自我照顧, 但我覺得如果家中大部份時間, 都沒有人, 好似沒有人關心和沒有家氣氛(冷清清), 小朋友回家慾念會減低, 所以我希望你朋友要明白, 錢是非常重要, 但小朋友成長比錢更重要, 如小朋友現在巳是在單親家庭中成長, 其實唔多唔小都對佢地日後成長有所影響, 如家務方面會否有長輩幫手, 可能的話, 多點和自己兄弟姊妹一起相聚, 比多一點溫暖小朋友.

現在十幾歲的小朋友, 唔同我們當年十幾歲咁成熟, 亦有可能現時社會出現問題比較新, 所以一定要比多 D 時間與小朋友相處.

你朋友巳經是一個好好男人, 單親不容易面對, 而且還肯勇於肩負做爸爸責任, 努力呀 ! 加油 !

最後送上神祝福比你朋友 :

不要憂慮, 不要為明天憂慮, 因為明天有明天憂慮, 一天的難處一天當就夠了.
(馬太福音 : 6:34)

私人傳訊

natzuki


伯爵府

積分: 18397

熱血勳章


5#
發表於 07-10-8 18:49 |只看該作者
真係好多謝各位的意見, 更多謝你地明白我朋友的心情, 雖然我第一個反應都係覺得小朋友上中學應該要自立, 但正正因為佢係單親, 如果日頭自己一個對住間屋, 真係幾悽涼, 更令我朋友擔心的是上中學是新階段, 如果小朋友缺乏關心, 驚對佢成長有影響, 工人雖然係"做家務為主", 但有多一個人係屋企陪小朋友真係唔同架, 我朋友為了這件事承受左好大壓力, 心想自己已唔能夠俾個完整的家女兒, 更加唔想佢自己一個孤怜怜地成長, 最驚佢因為缺乏關心而學壞. 但當務之急, 真係要解決個8個月的問題......

我朋友平時放工, 第一時間就係回家煮飯, 然後對功課, 跟住陪個女玩, 然後就已經倦到死, 根本無自己時間. 份人工放哂落個家度, 都無多餘錢剩. 單親家庭真係不容易.....

原文章由 kc2021 於 07-10-8 17:52 發表
我想, 你朋友家中情形和我家差不多, 不同之處是我不是單親,
但我有老公都 = 無, 什麼事情都只有我一人處理, 小致'一般水喉/換電燈泡問題', 大致'浴缸漏水'到樓下, 佢都'時運高', 不聞不問, 所以我由小兒BB開始, 我都 ...
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy