我返工返到好氣餒好無助, 我由於workload問題, 之前請左個temp幫我, 但temp始終係temp, 做野唔上心, 最後爭取到headcount, 請個perm. 但無因為咁, 工作可輕鬆點. 公司offer到既工資是junior, 有一萬, 最初無工作經驗我都考慮, 經朋友介紹一個剛畢業的學生, 以為佢肯做肯學, 點知又係掛住上網, 叫佢打字, 佢就手寫, 求求其其做, 一到放工時間即閃, 完全沒有責任心, 後來佢亦知我不滿, 自動resign.
之後我請左個50歲既女士, 諗住比個機會佢再入職場, 加上佢既要求同我公司一樣, 點知呢位女士, 以老賣老, 公司大部份同事都比佢年輕, 佢又覺得公司d妹妹仔點佢做野, 但佢個位的確係junior post, 同d同事夾唔到, 無辦法, 只好請佢走.
之後都請過有工作經驗但年輕既女仔做野, 見工時表現好好, 請左後先知道佢好無禮貌, 做錯野唔認, 重閙返你轉頭, 演技重一流, 係老細面前扮委屈, 最後老細叫我炒左佢.
到而家請左個4字頭, 有成20幾工作經驗, 佢之前0個間公司都做左10多年, 但人工都係得1萬, 佢見工表現好有責任心, 話間公司成日要OT, 所以才想轉工作環境, 因表現唔錯, 所以我肯等佢一個月, 到而家做左年幾, 但都好似個新人, 要提, 又無記性, 叫佢FOLLOW UP啲野, 跟跟下無尾, 問佢跟成點佢話有跟, 只係人地唔覆. 做野叫佢就做, 唔叫佢, 佢就唔理, 咩野都想致身於事外, 比新野佢做, 佢就表現出好驚, 好煩既表情, 做野又成日唔小心, 佢唯一好的就是無咩黑面, 話完佢, 佢就”哦”一聲咁應我.
各位JM, 如果你係我, 應該點做, 應否繼續忍, 深知就算請個另一個好似而家D 90後, 都一樣激心,
mg:" />
(冇歧視成份, 係我冇能力manage年齡大我咁多既人)
發表於 
返回列表
