Mummy 寫道:
我個BB唔係3日冇大大, 佢日日都有, 不過係好大舊, 硬到出唔到黎, 見佢好辛苦, 一路谷到面都紅埋, 見到有大大o係佢肛門但又出唔到黎, 再唔係呢就係痾到一半斷左, 果半冇夠力痾, 縮番入去, 又一日, 谷谷埋埋佢都係痾得好辛苦。 我忍唔住要幫幫佢, 就係買灌腸劑 (即甘油條), 細路仔用少少就夠了, 我個女好快就有得痾, 不過由於太大舊, 我都要 "出手" 幫幫佢, 先囉d保鮮紙包住隻手指, 最好係microwave厚d果隻, 然後搽少少BB油在他的肛門處幫佢tun下tun下, 大大就出黎了, 我個女好慘, 一路痾一路喊得好淒涼, 成頭大汗, 果刻我好似幫個女接生咁, 不過接既係 "一舊頑固既大大"。 :-(
如果BB 3日冇大大, 而第4日有得去, 又唔係去得咁辛苦的話, 其實都冇咩大問題, 但遇上便秘問題, 好似我個女咁, 不妨可以考慮用下灌腸劑, 好多媽咪都會好驚, 咁細個BB得唔得架, 可能更有d媽咪會話我痴線忝, 不過你諗下用藥只係幫助到佢排便, 而藥物唔係食入肚, 都係會痾番出黎的話, 其實係冇乜壞影響的。 自此之後, 我就比好多水/湯/魚肝油我個女飲, 比多少少菜入粥仔度, 而家大大暢通左好多。