在職全職

跳至

首頁
1

尾頁
   0


複式洋房

積分: 337


1#
發表於 15-4-22 23:26 |只看該作者
阿仔半歲,我都好想係自己媽幫手湊,但依家係奶奶湊,仲要阿仔放左係奶奶度,要放假先湊返屋企,每日收工我都第一時間飛去奶奶度見阿仔,爭取同阿仔既親子時間,晩晚返到屋企都成十一點幾,身心都好疲累,屋企好似垃圾房咁。今晚同阿仔玩玩下,奶奶一行過黎,阿仔就扭計對住奶奶張開雙手要奶奶抱,完全唔理我呢個媽咪,個下個心好酸,好唔開心,好呷醋,我日日都諗緊幾時可以湊返阿仔返屋企~~ c6就永遠都覺得由佢媽揍阿仔係理所當然~~ 有無在職媽同我一樣~~




洋房

積分: 33


2#
發表於 15-4-22 23:56 |只看該作者

回覆:ckbabyjaden 的帖子

我啱啱生左小朋友,仲係產假中。 我而家都擔心緊同樣既問題。。。而最大獲既係99超烏糟, 老爺又超種小朋友。。唉…但老公又永遠覺得我諗多左


別墅

積分: 857


3#
發表於 15-4-23 08:38 |只看該作者

回覆:ylrachel 的帖子

經驗之談,婆婆湊好好多,起碼自己阿媽易D溝通,放心D




大宅

積分: 4190

減齡達人勳章


4#
發表於 15-4-23 09:03 |只看該作者

回覆:ckbabyjaden 的帖子

如果可以既話,夜晚自己湊返好好多,不過就辛苦好多,但係我覺得係值得既



侯爵府

積分: 24263


5#
發表於 15-4-23 09:45 |只看該作者

回覆:奶奶湊阿仔的在職媽媽

正常bb邊個湊就痴邊個多d, 我好睇得開,佢唔痴我奶奶,我仲驚,反而我老公睇唔開,曾經唔開心。子女大左,一識分父母角色,加埋你平時既愛俾得足夠,佢地一樣咁愛你,痴你。


男爵府

積分: 5543


6#
發表於 15-4-23 10:14 |只看該作者
過來人, 點都要自己湊過夜, 唔係你遲早抑鬱...最好放工接走佢番家, 第二朝先送去99度.


子爵府

積分: 12620


7#
發表於 15-4-23 11:51 |只看該作者
ckbabyjaden 發表於 15-4-22 23:26
阿仔半歲,我都好想係自己媽幫手湊,但依家係奶奶湊,仲要阿仔放左係奶奶度,要放假先湊返屋企,每日收工我 ...
你晚晚都飛返去睇仔, 不如揍返過夜啦, 交通來回長時間嗎?
我大囝由坐完月開始就係朝早揍過去, 晚上去99到食飯後揍番屋企過夜, 車程+路程, 最快都半個鐘先返到屋企! 辛苦就一定, 但回報是無限, 同C6商量吓啦!

細囝出世後又轉plan, 婆婆揍大囝(因小一要找人教功課), 嫲嫲揍細囝, 放工兩公婆一人揍一個返屋企, 再打仗咁煮飯食飯沖涼睇功課! 忙忙亂亂但一家人好close!


子爵府

積分: 12471


8#
發表於 15-4-23 12:35 |只看該作者
我個女日頭奶奶湊, 夜晚走, 都係痴奶奶多D.如果可以最好夜晚湊走, 不過你會辛苦好多..........


子爵府

積分: 13630

2024年龍年勳章 2018復活節勳章 開心吸收勳章 最關心BB問題熱投勳章 畀面勳章


9#
發表於 15-4-23 14:30 |只看該作者
我都係過來人!以前阿仔一出世時,我坐完月阿仔就放左響婆婆度湊!我個時住屯門,婆婆住美孚!又係假日先湊返!因為我地實在相距大遠喇!我曾經試過唔怕辛苦自己夜晚湊返!但原來阿仔都會一樣辛苦!因為佢個時太細個!3-4個月大,朝朝7點幾起身跟我去迫西鐵,佢唔夠訓會扭計;迫人既地鐵空氣唔流通,隔離D人打個乞"次"/咳兩聲都驚阿仔中招!所以咁湊返夜晚維持左唔係好耐就無再湊夜了!但我好好彩,同老公大家都決定搬返出黎市區近媽咪既計劃,終於實行左,搬左出黎一年多了!依家同媽咪屋企5分鐘之隔就到!
初初阿仔係婆婆湊,見阿仔痴婆婆多過自己真係會好唔開心!個時我都會周圍問人點好?點令到阿仔痴多D自己?阿仔會唔會以後都唔跟我?當時人人都講,小朋友大左就自然會識邊個係爸媽,點都好?佢地一定會痴返你!
個時都唔信,但真係真架喎!依家阿仔兩歲幾,日日都係婆婆阿公湊!阿仔都勁鍾意公公婆婆都好,問佢今晚同阿公婆婆訓好唔好?佢都會話唔好!平時會痴阿公婆婆,但都唔會唔理我同老公加油丫!BB唔會唔理你!一放假就抽多D時間親子


別墅

積分: 562


10#
發表於 15-4-23 14:41 |只看該作者

回覆:奶奶湊阿仔的在職媽媽

我情況同你一樣,我個仔而家16個月,一直都係嫲嫲湊,星期六日先自己湊返,我阿仔開頭都係唔痴我,自己開頭都好唔開心,但而家開始大慢慢就會痴返我,其實初頭我都好似你咁好想可以自己湊返,但因為我好早出門口返工,唔想日日都趕頭趕命咁湊返去,而家我都係每晚都會返去同個仔玩,等到佢瞓左覺我先走,咁樣大家都冇咁辛苦




大宅

積分: 2445


11#
發表於 15-4-23 15:46 |只看該作者
一歲前我老爺奶奶每朝嚟幫我湊,仲煮咪飯俾我地食, 一歲後小朋友大個咗, 我地每朝西鐵站交B, 放工係奶奶屋企食咪晚飯後同BB一齊回家瞓。


大宅

積分: 4493


12#
發表於 15-4-24 16:18 |只看該作者
回覆 wing421 的帖子

我個仔係大左3歲反而痴99唔要我的, 以前個個都跟,好傷心!


珍珠宮

積分: 47707


13#
發表於 15-4-24 16:23 |只看該作者
你可唔可以係奶奶到大地鋪, 訓過夜第2朝直接由99 屋k 番工?

我囡係公公婆婆湊, 我有張床係娘家,
我隔日番娘家,食飯+過夜, 第2朝直接番公司.

so far, 由細到大, 囡都跟我,想反唔跟我c6,
c6同你角色一樣, c 6係娘家食完飯,玩一陣,佢自己番屋k.

c6屋k 同娘家好遠,要一個鐘車程,所以我唔會跟c6走..
我陪阿b..
我仲親力親為, 餵夜奶, 唔洗媽咁辛苦.


男爵府

積分: 5390


14#
發表於 15-4-25 22:39 |只看該作者

回覆:奶奶湊阿仔的在職媽媽

我自己同你一樣,都係奶奶揍,放假接返佢走
冇計,車程遠,為生活
我自己份工要輪班,有時收好夜
唯有收早就返到同佢玩,放假就同佢出去玩多啲
到現時一歲幾都唔會唔跟我,關係keep到
只要你唔怕辛苦放假時間同佢玩,佢一定記得你的


大宅

積分: 1961


15#
發表於 15-4-25 23:04 |只看該作者

回覆:奶奶湊阿仔的在職媽媽

我女歲半係99屋企湊,平日放工返99度食飯湊女到女差唔多訓我就返屋企,放假日子就我同c6一齊去99度過夜湊女同女一齊訓。阿女當然痴99,但我都ok.邊個湊就痴邊個好合理既,我又冇話唔開心。


首頁
1

尾頁

跳至
Presslogic Logo
Baby Kingdom Logo