俾個UPDATE大家, 好耐冇係度同大家分享了. 一黎工作忙, 二來係2014年我一家都冇咩返99度. 今年返都只係大節先返去樓下食飯.食完就走.所以都冇咩可以分享俾大家.
不過最近有D事發生左, 我就同大家分享下啦. 低B叔仔最近幫無賴哥搬屋, 發現佢而家係同小三同居. 其實呢由無賴哥同自找嫂離婚後我同C6都知佢係同小三一起住, 甘我地唔會公開討論呢個問題呢, 因為無論係點, 99都唔會出聲既.低B 叔仔覺得無賴哥唔會為左呢樣野去離婚既. 其實佢係唔係真係甘好單純呢, 而且都唔理佢呀哥D野既, 不過佢幫佢搬屋個陣就見到牙刷呀, 洗面巾呀, 都係2支, 2條甘. 所以佢有D懷疑甘同我地講, 再者搬屋個陣呢有個箱比較女仔化既, 封到實一實, 呀低B叔想開黎睇下都俾無賴哥鬧好搞人地D野. 所以低B叔仔就同我同C6講有甘既懷疑.而我C6聽到之後呢, 都講其實佢地同居左好耐了. 我地冇同你講姐. 低B叔仔到個一刻先信無賴哥真係為左第3者離婚.
另外就係低B叔仔俾而家女友迫婚, 個女仔就31歲同低B叔仔一起剛好一年. 其實呢低B叔仔係唔係呢個時候結婚, 當初佢同呢個女仔開始我都問佢係唔係認真, 人地都成30歲真係想搵個好男人嫁左佢. 唔係玩玩下.我都問得好清楚低B叔仔, 佢又話係既.點知一年後, 人地就迫婚, 佢就唔想.一來冇錢, 二來又唔想甘早, 其實低B叔仔都35歲都唔細.有日個女仔連同我叔仔上黎好認真甘問我同C6, 因為女仔呀媽講到可以出埋錢另要明年舊曆8月結婚.
其實我同C6都講, 你地有幾多錢, 預算幾多先.冇既就唔駛傾.當然可以返去問99啦, 不過呢. 問人拎錢就預左要還, 唔係就好多野講, 而且呀麻都唔係度, 好多野其實都可以簡單搞.
不過當然低B叔仔都有D壓力, 因為男家個個結婚都大搞既, 佢細搞既又驚人地睇佢唔起.
我地當然都有講, 唔好為左一個婚禮搞到自己欠錢, 而且問得99拎錢你就預左佢講你一世.
唔好想佢會俾就真係俾, 我家99係冇呢支哥仔唱.而家我都唔知佢地2個傾成點嫁.
至於自找嫂呢, 佢嬲左我.原因係佢任何時候都會睇無賴哥既FB, EMAIL…ETC.之後會同我講返.有一次係自找嫂睇到小三同無賴哥一D既對話, 叫佢為小朋友著想, 俾多次機會自找嫂.自找嫂睇到就癲左, 係甘同我講都離左婚, 扮咩好人. 而且唔係佢叫無賴哥返轉頭我就要接收返佢.我當時就同自找嫂講, 如果佢真心係仲愛無賴哥既, 一起咪一起囉.
如果你唔係仲愛佢既, 就佢所以有都唔好睇.睇黎有咩做呢.自找嫂話我唔睇唔透佢, 佢只係想睇下無賴哥點死.我既回覆係, 你唔愛個人, 呢個人死對你都冇影響, 你根本心唔死, 所以先甘想知無賴哥D野 其實心裡係點諗, 只有你自己先知.你呃到我呃唔到你自己.放手吧. 根本同呢個位一D幸福都唔會有.由呢件事之後, 自找嫂都冇再搵我.講真由上年到而家2年了, 都冇咩點返去, 係要做節就出去食飯.同呢家人少接觸, 人都開心D.不要為人而活.我都有我自己既煩惱, 何必再煩埋人地個份呢.無賴哥咩都係99俾錢, 買車同賣車, 甘我地又可以點.
係有錢都唔還, 我地又冇佢乎, 人人甘嬲真係唔知要死幾多腦細胞.做人要搵個出口, 唔想見咪唔見囉.做唔到咪唔做囉.何必要睇又要嬲, 又叫我去問.其實我覺得自找嫂真係開始有少少心理問題. 真係要去見下社工排解下D情緒.
發表於 
返回列表
