自由講場今日: 2065|主題: 1354116

收藏本版

發帖

返回列表

跳至頁

查看: 796 | 回覆: 4

好想分享下最緊一次感人經歷 [複製鏈接]

朱地

大宅

積分: 1204

1^#

發表於 17-10-13 01:58 |只看該作者 |倒序瀏覽 |打印

本帖最後由朱地於 17-10-13 02:04 編輯

爭扎左好耐，最後都想係度同大家分享下呢個頗具爭議既話題——讓座以及關愛座。
對於曾經懷孕或者抱住BB坐地鐵巴士既姐妹或者會有呢類經歷…唔一定會有人讓座俾妳，甚至乎會有人同妳爭位坐…的而且確呢d係我既親身經歷, 我知道唔應該似住腹大便便而要人地讓位俾妳坐，所以當我上左巴士發覺冇位而攰到唔想企既情況下，我係會選擇落車等下架，或者轉的士…我都好怕果d似大肚而一定要人讓坐既嘴臉…所以每當有人主動讓座我都會好感恩…好啦，入正題，分享下呢個感人既經歷…

早幾日返工繁忙時間，我同C6一齊搭地鐵，當時我企左係關愛坐附近，過左一個站左右，其中一位姊妹起身讓個位俾我坐，我好自然咁講左唔該就坐低，果位姊妹企左係我前面，我望下佢既衣著，雖然佢既肚唔明顯，但直覺話我知佢都係準媽媽，我忍唔住問返佢，證實後梗係讓返個位俾佢坐，傻豬黎架，雖然佢個肚唔明顯，但佢根本冇需要主動讓個位俾我，果刻我已經眼泛淚光，好滾動…之後我繼續企返係關愛座附近，過左陣，又有位準媽媽黎到關愛座前，那位善良腹部唔太明顯既準媽媽又再主動讓座，繼續企左係我隔離，跟住…我地就聽到個中氣好躁既叔叔係度破口大罵，大概關愛座唔係俾後生既坐，係俾傷賤既坐，呢個時侯一直坐係關愛座時另一女生終於起身，俾個火爆既叔叔坐，無奈火爆叔叔坐低之後仲要對住果位主動讓座既而腹部未明顯既準媽媽發嚕嘈…最後，連我都睇忍唔住同個叔叔重複講左幾次“其實佢都係大肚婆囉”

果下真係好感慨，終於明白點解有部份未見肚既姊妹唔敢坐關愛座…

點解而家會多左咁多矛盾…其實，主動讓座我地細個已經被灌輸，亦漸漸成為習慣…終於親眼見到咩叫似老賣老…而我會繼續做返自己——搵個安全位置企穩

PS 如果妳見到我呢自由講，真心同妳講聲多謝，仲有丫，其實懷孕初期，妳比我地仲更加需要個位丫，除左攰之外，由於妳個肚未顯，係擠迫既車箱，都係坐低安全d