吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 宮外孕流產

想生BB 今日: 7|主題: 109569

收藏本版

發帖

返回列表

跳至頁

查看: 6909 | 回覆: 9

宮外孕流產 [複製鏈接]

greycats

別墅

積分: 596

1^#

發表於 17-9-30 07:17 |只看該作者 |倒序瀏覽 |打印

想同大家分享我的經歷，希望對大家有幫助…
27.8.2017 M遲黎4日，用綠d驗有淺粉紅線，之後隔日驗都是淺粉紅線沒加深，有時仲淺左添…
1.9.2017 係萬寧買左驗孕棒，好清楚是兩條線，好開心。
5.9.2017早上vv完紙巾上竟然有極少到睇唔到既粉紅色，個心即刻好驚，因為上一胎唔係咁，之後keep住少少啡到第二日就停左，同日約9號去照b超。
8.9.2017 帶完個女去公園玩已經晚上6點，食飯沖涼後超攰9點瞓著，到11點幾醒去vv，成個厠所都係紅色！好驚！即刻入急症。
入到博愛，醫生話可能作小產，但用b超照但見唔到bb，我話有冇可能宮外孕，佢話有可能bb太細睇唔到，即轉屯門醫院。當時照計是6w。
去到屯院已經凌晨3點，等到天光6點幾終於幫我照陰超，但結果是乜都照唔到，連輸卵管卵巢都搵唔到個b，醫生話可能遲受精現在4w太細睇唔到，要mon住hcg指數同再照才確定係咪宮外。就咁，黎緊兩星期是定期抽血和陰超…
9.9.2017 hcg390
11.9.2017 hcg610醫生話升得ok叫我唔洗咁擔心，驗多次血先。
13.9.2017 hcg618數字已告訴我是宮外孕...一回到醫院忍唔住喊…
14.9.2017 突然流血，好似黎m咁…
15.9.2017 即日入院，同日驗血報告hcg547，醫生話應該是宮外孕流產，竟叫我1星期後才驗血覆診！點解我咁大反應？因為流產指數是跌一半才叫靚，但現在只跌幾十，回升機會很高，等一星期我真的好驚爆，所以我要求4天後抽血。
呢4日真的好難過，好似有個計時炸彈很身體咁…
19.9.2017 hcg644。當晚介食介飲第二朝20號入院。醫生陰超照到右邊近卵巢輸卵管有個圓形陰影，接著再確定我是否痛，一按，痛到叫左出黎！醫生話痛就要做手術，按排同日下午3點做腹腔鏡手術。
等做手術時好緊張好驚又好唔捨得，終於夠鍾做手術，屯院醫生姑娘好好人，見我咁緊張係咁同我講笑。做手術的全是女醫生，麻醉藥注射不久，我慢慢失去知覺，到我醒來時已是下午5:45。

0 0 0

私人傳訊

greycats

別墅

積分: 596

2^#

發表於 17-9-30 07:21 |只看該作者

回覆樓主：

本帖最後由 greycats 於 17-9-30 07:36 編輯

本帖最後由 greycats 於 17-9-30 07:25 編輯

續…
手術後好累好眼瞓，等多一個鍾我就上了病房，仲可以即刻飲食。
矇矇矓矓又醒又瞓終於等到第二日醫生黎，醫生同我講，話個胎自己跌左去肚度，已取走化驗，即是無損輸卵管卵巢等，是屬宮外孕洗產…同日抽血驗hcg。
24及27.9.2017 抽血
28.9.2017 即驗孕後見醫生，醫生話hcg跌的靚，手術當日227，24號hcg55，27號hcg22，但當日取出化驗不是胎組織，我又無再流血流啡，醫生話可能hcg未跌晒，呢幾日會流出胎組織來唔定，叫我再抽多次血…

望住肚上4個傷口，感覺有點白捱，但掉轉頭諗，可能是因為開刀郁到佢，bb好乖自己跌走左…點都好，最後確定子宮冇事正常，又無切輸卵管，其實已經好好采！係住病房時，才發現宮外孕極之普遍，咩年紀都有，有第一胎已中也有第3胎中，所以，不要怪責自己，因為什麼也有意外，由卵巢到子宮條路咁長，運輸有時出意外無得解，希望下次順順利利。但我個人經驗覺得可能個排飲得咖啡多(網上有資料話過多咖啡因會阻礙受孕)，所以準備懷孕前生活習慣和飲食要注重，至少做好本份先，問心無愧。

分享完了，希望對大家有點幫助，也希望bb會再次回到我身邊，健康快樂地成長，祝大家好孕

私人傳訊

wingyee1117

複式洋房

積分: 309

3^#

發表於 17-9-30 07:37 |只看該作者

回覆樓主

祝你早日康復
願BB再次回來你身邊

私人傳訊

念念

大宅

積分: 2361

4^#

發表於 17-9-30 12:35 |只看該作者

回覆樓主:

好好休息同調理身體
bb 一定會再返來的

私人傳訊

laisausau

男爵府

積分: 6415

5^#

發表於 17-9-30 22:50 |只看該作者

回覆樓主

私人傳訊

lovestep

複式洋房

積分: 160

6^#

發表於 17-10-1 00:05 |只看該作者

greycats 發表於 17-9-30 07:21
本帖最後由 greycats 於 17-9-30 07:25 編輯

續…

樓主先好好養好身子先

私人傳訊

Mikooochng

大宅

積分: 1346

7^#

發表於 17-12-30 02:59 |只看該作者

回覆樓主

我12月18驗孕棒顯示懷孕
我12月22都照過超聲波..見唔到胎
（以最後一天經期計已6週多）
然後即刻轉我去威爾斯留院
陰超照左好耐⋯宮外宮內都見唔到任何野
23抽左血驗，25再返去抽血...比左1月4既期我返威爾斯睇報告...姑娘話有特別既會提早通知...直到今天都沒有任何通知....呢幾日都得個等字....到底我肚入面有無bb(emoji)我灰了很多天，心亂如麻.......唉

私人傳訊

pigletyau

大宅

積分: 2350

8^#

發表於 18-1-3 11:04 |只看該作者

我同樓主一樣都係宮外孕...
不過我揀刮宮先..結果都係搵唔到個胎...
好彩hcg跌得快.....最後醫生係話我自己吸收返個胎...
唔洗白捱在肚上開孔...

私人傳訊

Sharonhoy

男爵府

積分: 5182

9^#

發表於 18-1-4 16:46 |只看該作者

回覆樓主：

本帖最後由 Sharonhoy 於 18-1-4 16:49 編輯

我上月也宮外孕，之前已連續化學左兩次，今次見綠d日日加深已好開心，仲book埋產檢。
可惜5w時流啡，馬上去私家照唔到。抽左血。
5w1流鮮血，馬上入屯門，都係照唔到。再抽血。
5w2出院前睇到hcg9xx，回家後打返去私家問到前日的hcg是13xx。
我知道已完了，等大出血。
等左幾日終於叫流多左血，但一直無一大舊既野出來。
直到我返醫院覆診時，醫生照左好耐，話見我輸卵管有舊野。我確診宮外孕。
簡直晴天霹靂，從無想過會咁。
但我hcg在出院後再量時已跌到6xx。
醫生說應該不用做手術，
但要馬上入院再抽血，
如果跌得唔夠要打化療針。
我聽到馬上想哭，一打針就半年唔可以再試。
在醫院隔幾個鐘抽一次血。
捱到黃昏終於有醫生同我睇報告。
2xx，跌得理想，不用打針，只等身體自己吸收便可。
但要定期抽血及覆诊。
22/12再返醫院，指数已好低，输管输都ok了。
又一條好漢。
醫生話唔反對我再追bb，但之後再外孕的機會會比較大。
真係有d驚。
但這幾天排卵期我也試了，
我也不知將來會如果，
由天安排吧。