佢都算幾緊張我個女，喺佢手上我個女基本上無乜跌親過，反而我自己和太太假期揍時試過睇唔緊BB比佢跌親，返到屋企比我亞媽閙，同埋印尼人嚟講佢英文算叻，好多食物同日用物品英文點講都識，連甲狀腺英文都知，我自己都要查字典，而且工作時間算幾長，朝早5:45過嚟我地房抱BB過去隔離餵奶，餵完就氹返BB入睡，通常朝早7:00正式開始做嘢，夜晚約莫11:30先同我地say good night，不過晏晝佢好多時陪住我個女睇電視佢就唔做嘢一齊坐喺度，有時氹我個女瞓晏覺時佢亦瞓埋一份，不過大部份時間佢等我個女瞓左之后佢都有做家務，例如開洗衣機洗衫同燙下衫咁，我自己都想同佢續約，但可惜佢做得最唔好就係取悅唔到我亞媽，我亞媽話有一次個工人對佢唔太禮貌，用力按佢膊頭示意佢出去，事原BB喺房喊，我亞媽問工人係咪整跌BB，工人話唔係，就係咁有啲爭呦，佢就大力按我亞媽膊頭示意佢出去，呢個工人做得點好都係假，佢收唔到脾氣得罪屋企最大嗰個，可能始終係廿幾歲女仔，脾氣都係比較大同埋未定性，唯有唔同佢續約，佢大半年前仲同我亞媽講話今年年尾返印尼結婚唔再打工，不過而家佢又話唔返印尼住想揾多幾年錢，我諗佢會適合喺啲家庭係兩公婆返工，佢負責take care 小朋友，而老人家就間中上嚟睇住，我諗呢啲家庭適合佢多啲，我自己亞媽又係脾氣大，兩個有時就好似火星撞地球咁。
發表於 
返回列表
