國家地區媽媽會 今日: 0 | 主題: 20263

積分: 163

1^#

發表於 07-1-23 03:26 |只看該作者

知唔知美國生bb醫院d服務點呀？

因為老公要係美國OH Cleveland工作幾年，所以都想係美國生bb，不過自己無親人係呢邊，所以屋企人都叫我地番香港先生，因為始終係自己地方咁話，老人家又怕坐月無好藥材補身，有親戚講係美國d護士要生完就要洗頭沖涼，住一晚就要走，講到我地都唔咁係美國生嘞。 :-(

私人傳訊

積分: 51

2^#

發表於 07-1-23 09:16 |只看該作者

Re: 知唔知美國生bb醫院d服務點呀？

Hi mooncatlady,

美國的醫院, 大部份來講係一流. 但仲要視乎住的地方係咪大城市. 如果係大城市, 醫院的水準通常都好好.
你先生過來美國工作, 咁公司一定有保險, 你係佢太太, 咁佢只要加埋你個名落insurance 咁你生小朋友就不用錢了!

我05 年生個女, 由一開始睇婦科 (英文叫 OB GYN) 到生個女出來, 一共需要用的費用是 5萬USD, 因為我後來生唔出, 要開刀, 所以用多左, 但係有保險, 我實際付出的只係 US$4xx
如果在香港生, 一定唔得啦.

睇 OB 的 co-payment 只係 US$20 一次. 所以ultrasound 都不用俾錢.

醫生和醫院只要係保險的網內, 就不用其他 surcharge.

我住的算係私家醫院, St. Luke's , 一個人一間房, 私人洗手間, 生完baby 無人會 distrube 你, 我因為開刀, 於生產後可住院 96小時, 果幾日我老公都係在我間房內開張床訓的.

早上無人會走入來叫你起身, 無人會開你間房燈整醒你, 你想訓幾耐就幾耐, 最多係個醫生來睇你. 送早餐的, 都唔會開你燈, 入來放低佢就走.

醫院仲設有俾病人和家人用的 pantry, 雪條, sandwiches, coffee, tea, milk , 生菓都有齊, 不收費用.

所有你生 baby 的費用都係保險俾, 我只係需要俾返醫生來睇我的 US$20 co-payment.

出院又有人推你去到大門口上車, 仲有好多instant milk 及兩包尿片送埋俾我. 真係好過住酒店!!

我唔係誇張, 我剛剛大肚時, 是在2004年9月回香港玩時才發現有左baby, 當時仲有作小產, 要入瑪麗 emergency 再留院.
emergency 登記個姑娘又無禮貌, emergency 個醫生又馬虎, 上到病房, 又俾nurse, 又俾醫生, 一共問了 3 次同樣的一大堆問題, 住大房, 人又多, 我係夜晚12點入去, 都搞到2 點先有得訓底, 但係果頭訓底, 又有病人入大房, 仲要o係我對面床位, 又係問一大堆問題, 佢的私人野都俾我聽到晒. 早上 7點就開晒燈, 整醒晒我地, 我都訓得很少, 仲要得一碗粥食咁大吧. 好似坐監咁好慘呢. 我住瑪麗時, 係我咁大個女第一次住醫院. 之後我返到美國, 因為我嘔得勁, 減了18磅才要入院住, 都係一個人住間 2 人房, 完全係好似住酒店咁舒服, 同香港的瑪麗係兩個世界.

美國無人會迫你沖涼洗頭的, 只係d 醫生會同你講, 你可以沖涼洗頭的了, 但沖唔沖就隨你了. 藥材可以帶定過來, 又可以寄過來, 可以入口的, 只要唔係肉類和生菓就可以入境.
如果你係順產, 就於生產後住 48 小時。開刀就 96 小時.

這兒的baby 用品又唔貴, 預o岩大清貨時又平到你笑.
買了的物品如果係唔o岩用, 又或者有問題, 都可以憑收據於指定日期 (通常 14-180日, 視乎店舖的return policy) 退或換.
Walmart, Target 就係 90日退款期. 無單都可以退返 giftcard. 我試過在Target 買了罐雀巢的嬰兒奶粉, 但係返去開來覺得d 味怪怪地, 咁拎返去退都係原銀退回. 朋友送的賀禮, 好多時會唔o岩用, 或者duplicated, 又或者係唔好睇, 拎返去 shop 又可以退錢.

OH 果邊我唔知訂, 所以實際都要問下有無其他 OH 媽媽.

overall 我的朋友在其他州, IL, CA, SF, NY 都生產預快! 我住 St. Louis, MO, 我其他同樣住St. Louis 的朋友們都無咩問題, 有的都唔同醫院生, 但都係沒投訴!

你個小朋友第日在美國出世, 仲立即有 citizenship.

mooncatlady 寫道:
因為老公要係美國OH Cleveland工作幾年，所以都想係美國生bb，不過自己無親人係呢邊，所以屋企人都叫我地番香港先生，因為始終係自己地方咁話，老人家又怕坐月無好藥材補身，有親戚講係美國d護士要生完就要洗頭沖涼，住一晚就要走，講到我地都唔咁係美國生嘞。 :-(

私人傳訊

積分: 163

3^#

發表於 07-1-24 03:37 |只看該作者

Re: 知唔知美國生bb醫院d服務點呀？

Hi digico,

多謝你嘅回應呀！
你俾d資料好詳盡呀，而且你嘅經驗(住過香港同美國醫院)，比較之下，我都放心好多，亦知道可以點同屋企人講。

其實我和老公都相信美國醫療服務，不過屋企人始終唔放心啦，講真番香港生，依家咁亂，都咪話唔驚呀，但係老人家擔心我坐月時無人照顧，到時真係生左，自己唔知可唔可以應付(起居飲食同照顧bb)，因為媽咪同奶奶未必會過黎，佢地怕坐長途機，你坐月時又點呀，辛苦嗎？

私人傳訊

積分: 51

4^#

發表於 07-1-29 04:13 |只看該作者

Re: 知唔知美國生bb醫院d服務點呀？

其實在這兒無話咩坐唔坐月, 我都一樣有去街, 因為美國地方乾淨, 又係坐自己車, 所以都可以去下街.
我因為開刀生, 所以個傷口好痛咖.

我坐月時都無人幫手, 我同老公安排個女 12am, 3am, 6am, 9am, 12noon, 3pm, 6pm, 9pm 呢段時間食奶 (我開刀生, 唔夠人奶, 所以俾奶粉), 咁我老公通常幫我餵 6am 果餐, 咁我 3am 果餐餵完之後我 9am 才起身再餵. 出院前, 醫院的nurse 會教識你點幫bb 沖涼, 生baby 之前, 醫院又有好多classes , 例如點湊baby , 不過我都無去上過. 我朋友就有上過.

你有無朋友剛生了baby?可以現在去實習定麻!

我有個住香港的朋友, 她告訴我有一種叫 "陪坐月" 的, 佢本身和奶奶住, 但都請個 "陪坐月" 的幫手, 佢話佢奶奶咩都唔做, 唔幫手, 所以要請人. 而家就請了bun bun.

好在呢度的屋地方大, 可以同 BB 分房訓, 咁佢半夜3am 要飲奶時唔會嘈醒我老公.

如果你怕坐月辛苦, 可以請人返來幫你手, 美國都有好多中國人/香港人做保姆的, 通常唔過夜.

最緊要係你老公到時肯幫手, 例如幫你買餸, 煮飯, 煲湯.
最好買定個真空煲, 早上煲滾了湯, 放入真空煲, 你下午都已經有得飲湯, 又不用睇火.

其實人多幫手未必係好事, 我一個住英國的朋友, 佢12月頭生了個仔, 佢父母和奶奶老爺都去晒佢屋企, 搞到屋企太多人, 個個都爭住抱bb, 搞到個 bb 成日唔夠訓, 又唔可以平隠咁訓在床上, 個bb 一喊, 佢亞媽和奶奶都飛咁快走去抱bb, 又唔俾我個 friend 湊, 但我個friend 生完之後母性大發, 好想自己湊bb, 搞到佢好唔開心, 一來屋企人太多, 太嘈, bb 兩星期大已經扭計要抱住訓, 佢餵人奶的, 因為人奶易消化, baby 好快就扭肚餓, 佢的父母又唔明也不信(因為無餵人奶的經驗) 就經常話佢d 人奶有問題, 食唔飽個仔, 搞到我朋友都好唔開心, 佢老公又唔企佢果邊幫下口講野, 搞到佢好孤獨. 佢話無人幫好過, 因為咁多個人, 個個人的諗法唔同, 搞到意見不一, 老的又似住自己有經驗, 又成日將她和人地來比較, 又話 "人地個仔食 15 mins 就食完啦", 但老人家唔明, bb 人人不同, 就算係食 formula, 都唔一定個個 15mins 食完的.

另一個朋友都係住呢度的, 佢太太在內地來的, 06年尾生了個仔仔, 他們和奶奶住的, 但奶奶要返工, 所以沒有幫手湊bb, 晚飯都係朋友的太太煮. 只係朋友在bb 出世後請了兩個星期假, 在家幫手湊bb. 之後我朋友的太太每天在家一個人湊bb.

其實我都覺得呢邊生有呢邊的好處, 起碼我個女初生期都係食飽就訓, 訓醒就食. BB 訓得夠, 都無喊咁多, 又夠健康. 得閒就渣車帶佢去行 mall, 閒日無咁多人, 行mall 都好舒服.

呢度的mall 同香港唔同, 通常都有個family launge, 好大的, daddy 都入得的, 入面有好多個換片的位置, 又有幾個隔開的餵人奶房仔, 仲有個親子廁格, 你推住部 stroller 都入到去. 不用另外到女廁. 個family launge 仲有 microwave, 電視等. 搞到我06年summer 帶個女返香港時, 非常不習慣, 因為好多地方都無得換片. 人又多, 天氣又熱, 在香港推住部 stroller 好唔方便, 因為好多地方都無 elevator 搭. 美國呢邊, 明文規定, 推住 stroller 係不可使用扶手電梯, 一定要用 elevator 的, 好在周圍都搵到!

我又無返工, 所以湊住佢都幾好, 個女都好跟我! ha ha!

我呢邊的環璄幾好, 我同我的朋友都不用買香港那些奶樽消毒機的, so far 我呢邊無見過. 東, 西兩岸可能會有.

你在這兒生baby , 如果你打算餵奶粉, 你仲可以在baby 出世前上去那些奶粉網register, 咁到時到候, 佢地會寄d sample, discount coupon 俾你用來買奶粉, 尿片都係, 都幾好的.

呢度小朋友 3 歲讀 pre-school, 返 pre-school 係去玩, 學唱歌仔咁, 返幾多日視乎你俾幾多日. 小朋友不用特登教佢地英文, 所以我都係同我個女講中文, 佢地返了一年 pre-school 之後就會同你講英文, 到時你會怕佢唔識中文. 不過我的朋友的仔女都係雙語的了, 在家講中文, 返學講英文. 小朋友 5 歲就開始讀kingdergarten, 如果你唔係讀私校, 都不用付費的了, 不過讀書一定要讀返你住果區的school district, 因為你俾的 tax 已經俾左!

你識唔識渣車? 如果你地係會過美國, 最好在香港學識渣車先, 因為在這兒是自學的. 即係朋友教, 你可以俾錢去學, 但唔平, 而且都要搵人車你去上堂. 如果你已經有香港牌, 可以在香港申請一個國際車牌, 然後在美國可以渣車 90天(入境日開始計), 在美國考車好easy, 你只要上網到你的州政府的網站下載有關筆試的書本, 讀好後, 任何office hr 到license office 考試便行, st. louis 有中文試考, OH 唔知有無呢! 但英文都唔會好難. 筆試合格後, 會發 temp. driver licence, 於 1 年內考車牌, 又係時間任選, walk in 就行, 不用預約. 如果住在 NYcity 的地方就不用學車了, 因為坐巴士很方便. 我上次到 NY city 都坐過巴士.

sorry, 我口水多過茶添....

mooncatlady 寫道:
Hi digico,

多謝你嘅回應呀！
你俾d資料好詳盡呀，而且你嘅經驗(住過香港同美國醫院)，比較之下，我都放心好多，亦知道可以點同屋企人講。

其實我和老公都相信美國醫療服務，不過屋企人始終唔放心啦，講真番香港生，依家咁亂，都咪話唔驚呀，但係老人家擔心我坐月時無人照顧，到時真係生左，自己唔知可唔可以應付(起居飲食同照顧bb)，因為媽咪同奶奶未必會過黎，佢地怕坐長途機，你坐月時又點呀，辛苦嗎？

私人傳訊

積分: 163

5^#

發表於 07-1-30 01:52 |只看該作者

Re: 知唔知美國生bb醫院d服務點呀？

Hi digico,

好開心每次你都好詳細咁講好多關於生bb嘅經驗話我知。

我表姐之前係香港都有請陪月員，佢話一流服務呀，又夠專業，又教佢照顧bb點呀，同煲d咩湯水咁，仲正過有奶奶照顧，唔知OH呢邊有冇呢？不過睇黎Cleveland就唔會有，因為華人真係唔多，反而columbus就多掛。

我依家都有個炆燒煲，同真空煲差唔多，我隔日就煲老火湯架，都唔錯。

睇完你寫嘅，係呢邊生真係唔錯呀，睇黎都係時候做定功課，做個慳家媽媽，至少到時唔駛周圍問人嘛。

你老公同你都好幫手喎，唔係就辛苦d，你個囡囡有幾大呀，有個全職媽咪照顧係唔同d，每次見佢有進步，自己都好有滿足感。

私人傳訊

積分: 51

6^#

發表於 07-1-30 02:50 |只看該作者

Re: 知唔知美國生bb醫院d服務點呀？

Hi mooncat,

我個囡 20 個月大了. 自己湊係好d 咖, 佢學講野都快好多.
係呢, 你有無check 清楚你老公個保險有無寫明保險生效後幾耐先可以 pregnant? 有d 30日, 有d 半年, 你check 左先好大肚, ha ha!

Cleveland 悶唔悶? 有無唐餐館? 如果有, 去唐餐館門口睇下有無d 免費的中文報紙, 通常都有個classified page, 有d 係求職做保姆的.

我朋友話香港的陪月員有d 肯去外國的, 不過就要俾埋機票啦!

mooncatlady 寫道:
Hi digico,

好開心每次你都好詳細咁講好多關於生bb嘅經驗話我知。

我表姐之前係香港都有請陪月員，佢話一流服務呀，又夠專業，又教佢照顧bb點呀，同煲d咩湯水咁，仲正過有奶奶照顧，唔知OH呢邊有冇呢？不過睇黎Cleveland就唔會有，因為華人真係唔多，反而columbus就多掛。

我依家都有個炆燒煲，同真空煲差唔多，我隔日就煲老火湯架，都唔錯。

睇完你寫嘅，係呢邊生真係唔錯呀，睇黎都係時候做定功課，做個慳家媽媽，至少到時唔駛周圍問人嘛。

你老公同你都好幫手喎，唔係就辛苦d，你個囡囡有幾大呀，有個全職媽咪照顧係唔同d，每次見佢有進步，自己都好有滿足感。

私人傳訊

積分: 163

7^#

發表於 07-1-31 01:01 |只看該作者

Re: 知唔知美國生bb醫院d服務點呀？

Hi digico,

我尋晚都提咗我老公check下保險，佢話send咗e貓問下。

Cleveland悶唔悶？唔…我諗算悶掛，不過我未去過其他美國嘅state，但比係加拿大就悶d啦，至少嗰邊多d華人，親切d嘛。

我地呢度都有唐餐館，不過唔多，我同老公都好少出去食，多數都係自己煮，有時星期六就去d教會朋友屋企食飯，都唔錯啦。

每個星期日都會去教會，係基督教，我本身係天主教，所以都唔係好慣啦，但因為呢度只有基督教有華人(香港)，所以算識多個朋友咁啦，不過好多都步入中年，年輕嘅唔多，可能Cleveland舊d啦，好多都去其他地方。前2星期老公搵到附近有天主教教會(都係黑人同白人)，我就去咗啦，依家星期日9點去完天主教，之後11點就去基督教，叫做傾下偈咁啦。

咁你平時放假有咩做呀？St. Louis悶唔悶呀，不過你有BB陪你就好D啦！我暫時未考車牌，所以都唔可以話自己周圍去，而且老公都想我考到車牌先有BB，咁會好D啦，所以等天氣好D先可以練習啦 ><好想快D考到車牌就可以有BB啦！

私人傳訊

積分: 51

8^#

發表於 07-1-31 02:41 |只看該作者

Re: 知唔知美國生bb醫院d服務點呀？

sent u PM, please check!

私人傳訊

hkrosetw

積分: 1396

9^#

發表於 09-9-30 03:33 |只看該作者

去搵果d一條龍服務咪得lor
香港都有
上去搜索器打美國生bb, 成堆走出黎

私人傳訊

SY_Mom

積分: 1760

10^#

發表於 09-10-1 03:35 |只看該作者

if u're comparing with the good private hospitals in HK, of course giving birth in HK is better.

i have friends who had tried both (gave birth at good hospitals in US for the first bb and gave birth at the good private hospitals in HK for the second one). they were happier with the experience in HK.

私人傳訊

bunnymonkey

別墅

積分: 781

11^#

發表於 09-10-1 12:36 |只看該作者

P.S. There are 陪月 service, 陪月Center, and 陪月阿姨 in Northern (bay area) & Southern (LA area) California. I heard if you book them aheard of time and pay for the round-trip flight ticket between your city and CA, they will go to your house for the 陪月 service (usually for 1 month).

私人傳訊

hkrosetw

積分: 1396

12^#

發表於 09-10-6 02:41 |只看該作者

原帖由 mooncatlady 於 07-1-23 03:26 AM 發表
因為老公要係美國OH Cleveland工作幾年，所以都想係美國生bb，不過自己無親人係呢邊，所以屋企人都叫我地番香港先生，因為始終係自己地方咁話，老人家又怕坐月無好藥材補身，有親戚講係美國d護士要生完就要洗頭沖涼，住一晚就要走， ...

我生我個女時係 LA 果間 WESTERN MEDICAL CENTER 生, 係LA 既 ORANGE COUNTY , SERVICE好好, 而且算好平, 我係開刀, 佢冇要我即沖涼洗頭口喎,住左2晚要走, 如果順產, 1晚就要走, 不過美國去邊都係渣車, 早D走好過啦.

私人傳訊

NYmom

積分: 1724

13^#

發表於 09-11-4 03:36 |只看該作者

我係 NY 生，保險包雙人房，但當日唔 Full ，所以自己一間，好似單人房咁。
護士、醫生都好好，等生時，自己醫生未到，佢地成日入產房睇我有什麼需要。
生完， BB 係 NICU，照顧好好。

咁既服務質素，香港私家醫師都好難有，而且最少 HK$ 40000 。

DON"T WORRY ，美國有藥材，有陪月員。

私人傳訊

koalababie