Re: 有冇人係 yahoo 拍賣區度買護膚品
我未試過係 yahoo 拍賣區度買護膚品，但我用o左Yahoo!拍賣一段時間，買家同賣家都做過，綜合多年經驗得出以下結論，你可以參考下。
下標前：
1.首要睇賣家評分，好評比率越高越好，100%正面評價就最好，但有d新賣家o岩o岩開始玩，只係攞o左一、兩個好評，正面評價都係100%，你要睇清楚。賣家如果有劣評，你都要睇下係咩原因，因為有d玩o野買家係得閒無事揾o野o黎bid劣評人o地。
2.價錢：因為好多拍賣場都收刋登費，有好多賣家會.set底價為$1(唔洗比咁多刋登費)，但係就另設賣價，bid左就唔係比$1，係比佢set個價，所以睇清楚先bid。
3.交收方式：主要分面對面交收和郵寄。有d賣家只會面對面交收，有d賣家只會郵寄交收，有d賣家兩樣都得。面對面交收有d賣家會收車錢，郵寄交收有d賣家會要求買家寄錢，有d要求銀行入數，有d包郵費，有d唔包，錢銀ga野最好問清楚先bid。
4.貨品新舊程度：睇下賣家有無講，無就問，最好有相睇。
5.買家條款：係拍賣場買野，不會有「顧客永遠是對的」呢句話，有d賣家會set d買家條款，買家一bid就要遵守，所以下bid前睇清楚先。
6.一定要透過拍賣平台交易：有d賣家為o左慳d刋登費，會叫買家o係[問答]留言或email私下交易，但如果被騙就好難追，因為拍賣場無record。透過拍賣平台交易，就算被騙亦比較容易得到賠償。
希望幫到你 :wink:
回收舊書包，循環再用~
如有舊書包唔要，可以PM我，可以任何港鐵站交收~
發表於 
返回列表
