當初有咗bb的時候，99第一時間舉手要湊，還應承到我們家住幫手湊，至於坐月方面，她說包在她身上，由於她什麼也應承，而我地又想摼多些錢給bb，所以冇打算請倍月、工人或育嬰院之類，可是惡夢就是從bb出世開始：
bb出世入了7日nicu，即我出院早過bb，出院後，99冇來過我家，直至第八日bb出院，她便出現和在我家住了幾日，之後她和c6講住唔慣我地屋企，要接bb返佢自己屋企湊，我地唔想，之後她便沒有來了，即是我自己一個人坐月、湊b，99最經典說了一句：我冇同你地簽Contract一定要去你地屋企湊的！
沒有人幫手的日子好快便過去，我們亦答應放bb在她家湊，放假我們自己湊，真是超級唔捨得但又冇辦法！
我是餵人奶的，初初是全人奶，但因為奶奶唔鍾意覺得麻煩，我唯有選擇泵出來，留給bb星期六、日我親自用樽餵，因供求關係，我的人奶開始變得很少很少，我要求收工後去99屋企埋身餵一次，99也應承說冇問題，可是到我餵的時候，62說阿b剛食了6安奶唔會食的！我真係好嬲唔知佢地想點！我承認我有對佢地黑面，但沒有其他了！
之後我99打電話比c6，同c6講我沒家教，c6話其實99常打電話給他說我壞話，今次連我父母都話埋好過份，叫她收聲唔好再講，之後99便嬲左我地，每逢我地上去見阿b的時候，99都lei在房唔出來見我地，而我62成日叫我地快些走，好似唔想我地見個女咁。之後維持了三星期的某日，戲肉終於都發生了:：
我們如常探阿b，99突然在房行出來向我講粗口，由於我當時抱住阿b，我冇對佢作出任何反應，她好大聲在我面前(極近)用粗口罵我，我當時只用手”姐”住阿b耳仔，只怕影響到對阿b，她說：
「XYZ，XYZ，你呢個毒女人，你因住啊！你都有阿媽，你自己都係人阿媽，你因住啊！你咁放心交個bb比我湊，你唔驚我虐待你個女? 你”埔處”左十幾年，(然後指住我老公)，佢冇用架啦！你攞去啦！話之佢以後跟你姓都唔關我事！(推我出門口)你走！我呢度唔歡迎你，我冇理由日日lei在房避你！」在她推我出門口的時候，我右邊一隻拖鞋甩了，她執起調在我身上，而我老公見到亦都好嬲，因為我們都好驚傷害到阿b，我c6話好我地走！所有街坊也出來看戲，也有c9對我指指點點，佢地話我激到99咁嬲唔佩做人新抱，其實他們什麼都唔知！
呢件事對我心理上做出甚大傷害！估不到家庭暴力事件會發生在我身上，我亦都唔知點面對62和99佢地!
發表於 
返回列表
