夫婦情感

收藏本版
發帖
返回列表
跳至頁

首頁
12

尾頁
   0
unhappy_husband


民房

積分: 7


1#
發表於 08-1-30 15:56 |只看該作者
我同我老婆圍繞住同一個話題而爭吵過無數咁多次，好明顯係大家既標準唔同，希望大家評論一下，就住你自己既標準以講講你既意見。

背景：
我老婆係一個好爽朗既人，比較容易同男性相處。有一個好要好既男性朋友，佢地曾經拍過拖（N年前）。

事源：
約一年多前，我無意間check到佢地既MSN內容，言談間佢地有好親密既來往，例如：我好掛住你呀，我想攬下你呀，sweetie，honey，等等。我bring up 左出黎，佢知道我check佢，之後佢地亦收斂左。

我老婆認為佢係一個好難得既十幾年朋友，所以我冇權要佢地斷絕來往，佢亦唔會咁做。

四個月前，當我出差離開左香港，佢放低左個女去外母度，然後約同一個男性朋友出黎食晚飯同睇戲。 佢地睇既係"色.戒"。當我番香港既時候，我問佢呢幾日做過乜野，佢隻字不提佢地兩個出過街。

佢既解釋：
就佢自己而言，佢地只係普通朋友，而朋友冇性別之分，唔明白點解我要咁介意同小氣。況且，佢唔講係因為唔想我擔心，亂諗野。

我既睇法：
男女有別，一個結左婚既女人就要知道自己既界線，唔係因為冇野就可以做一D 令到我唔開心既事情。 更何況個男人係一個我唔鐘意既人。

最近情況：
佢地而家間中（約一個星期一次）MSN或者電話來往，對上一次食飯係12月。琴晚佢地MSN傾偈，我刻意坐係佢隔離。 然後我去左房睇個女訓未。 之後我出番廳，我問佢同個男人傾左乜野，佢答係普通野，亦可能約出黎食飯。

之後我check佢MSN，發現原來佢問個男人星期五夜晚得唔得閒，我好嬲，發脾氣，覺得如果你plan好係星期五，又點解唔同我講？

我既諗法：
重蹈覆轍，12月先食完飯又話已經好耐冇見面，況且有乜野可以係電話/MSN講，我比你係夜晚同異性見面已經係我既最大包容，但係你都依舊唔話我知道。我發脾氣係我唔著，但係係你處理手法有問題在先。

我老婆既睇法：
佢未約好，自己都未肯定，自然冇講過知，佢地只係普通好朋友，咁咁耐冇見面想約出黎好正常不過，就算我約女性朋友出黎，佢都一定唔會反對。唔明白我為左一個普通朋友而咁心胸狹窄同小心眼。

意見發表：
1. 我係咪一個非常無理取鬧而又小氣既老公？

2. 定係佢已經超越左一個已婚女性可以做既界線？

希望大家唔好只係話各有各道理，你自己既道德標準又係點樣？ 想你諗諗，如果發生係你身上，你既伴侶同你既底線唔同，情況已經超過一年，你會點樣處理？

[ 本文章最後由 unhappy_husband 於 08-1-30 16:07 編輯 ]
私人傳訊

雲妮彭


伯爵府

積分: 19439

好媽媽勳章


2#
發表於 08-1-30 16:12 |只看該作者
以我既標準~~

我會覺得你老婆太open,
我絕對唔會單獨同異性去睇"色戒"!!!
我唔會做呢d野傷害我老公,
除非我唔愛佢......

我支持你呀!!
私人傳訊

questioning


大宅

積分: 3676


3#
發表於 08-1-30 16:14 |只看該作者
無論係男或女, 結左婚應為另一半著想, 唔可以做d野出黎令對方唔開心, 好朋友唔需要日日msn/傾電話, 更何況你已經提出過唔鍾意, 佢應該控制下自己, 點解要為一個朋友而影響兩夫婦既感情呢??
私人傳訊

kkyyn


子爵府

積分: 13649


4#
發表於 08-1-30 16:33 |只看該作者
你嬲得好合理,
同樣,我亦無可能接受我老公和另一個女人單獨約會,食飯,睇戲等.
結了婚,想搵人陪,當然是自己老公啦,
仲會搵边個呢?
希望你們的婚姻不會出現第三者啦.
你都要好好和你老婆溝通一下了.

私人傳訊

小柏媽媽


男爵府

積分: 5883


5#
發表於 08-1-30 16:41 |只看該作者
你老婆在外國長大的嗎？我覺得如果結左婚，大家都可以做朋友，食下飯，但掛住你，ｈｏｎｅｙ呢ｄ字眼，好易令人有遐想．如果佢地真係普通朋友，點解要用呢ｄ字眼呢？

我唔覺得你係一個小氣的老公，相反我覺得你好大方！我連講一個電話，我老公都問長問短；相反，佢做咩都唔比我知！

我係一個結左婚的女人，如果我自己，我就覺得甘樣係超界，而佢有冇超越界線，呢樣好難講，可能佢只係ＥＮＪＯＹ呢種感覺，而佢又覺得冇做越軌的行為，就唔係問題

不過點都好，要好好同佢傾下，話比佢知你唔開心，唔可以再甘落去，叫佢將心比己！要好的男性朋友／普通朋友都好，唔通２公婆要因為呢個人成日唔開心咩，叫佢自己諗下啦！

支持你！
私人傳訊

heratang


別墅

積分: 817


6#
發表於 08-1-30 16:46 |只看該作者
我也有個認識了十幾年的要好異性朋友, 老公都係唔多鍾意我同佢來往, 不過都十幾年la, 但為了老公, 我都唔會經常見他, 最多只係通下sms, 所以, 你太太的舉動, 令我覺得:
1. 佢開始唔重視你
2. 佢同那個他有野
你要好好抓住你太太的心, 光是吵鬧留不住她的...
私人傳訊

unhappy_husband


民房

積分: 7


7#
發表於 08-1-30 16:58 |只看該作者
多謝咁多位既回覆。

我想講，從我太太既角度，佢認為佢地只係好朋友，又冇D乜野唔見得光既野，朋友唔係女就係男，冇第三樣，所以佢完全唔理解我既諗法。

而同時，佢認為我如果有一樣既情況，佢會選擇100％相信我，容許我同異性出夜街，而唔係因為呢D小事而發脾氣。

我上黎問既原因，係想知道我既道德標準係咪好封建，思想係咪好守舊，連一個佢認為係普通既男性朋友都包容唔到。 （我同佢講清楚，我唯一唔鐘意，亦會介意既，就係呢個男人，如果佢同第二個男仔去夜街，我都會有D唔開心，但係唔會為左佢而嘈交）。

希望大家繼續發表意見同自己既睇法。
私人傳訊

ringoivy


翡翠宮

積分: 76971


8#
發表於 08-1-30 17:00 |只看該作者
故勿論佢地有無發生過超友誼既關係 但此舉行為確實在一個已婚既女人來講要不得 更何況當你不在港時放低個女比媽咪自己走左出去同男人私會仲要睇咸片 我係女人都不容佢咁做 我唔知個男人有無家室, 但佢地話曬有前科即係之前拍過拖就更加唔可以有太過親密既接觸:evil: 咩honey好想攬住你呢d字眼要不得:tongue: 聽到都想我係一個好傳統既女性黎, 我接受唔到你老婆咁既行為 不過你要呢個家既就最好做返d野黎維護下頭家 日嘈夜嘈只會令佢走得更快 會唔會佢feel5到你對佢既關懷呀
原文章由 unhappy_husband 於 08-1-30 15:56 發表
我同我老婆圍繞住同一個話題而爭吵過無數咁多次，好明顯係大家既標準唔同，希望大家評論一下，就住你自己既標準以講講你既意見。

背景：
我老婆係一個好爽朗既人，比較容易同男性相處。有一個好要好既男性朋友，佢地曾經拍過拖（N ...
私人傳訊

ioi


伯爵府

積分: 16557


9#
發表於 08-1-30 17:06 |只看該作者
我係女人, 我都唔幫你老婆. 朋友都要有界線, 尤其是異性朋友. 即使你老婆神女無夢, 但可能佢朋友襄王有心, 你老婆應該小心避忌下. 而且學溏心風暴的李司祺話 "你唔係住o係個荒島度, 做任何野都要顧及下身邊d人的感受". 即使佢地兩個都無野, 都應該為左顧及你的感受而選擇不再約會那人. 如果好耐無聯絡, 一年一次見面食飯, 都還可以. 但係經常msn和約會, 就離譜左, 仲要明知你唔鍾意都要咁做, 好唔尊重你. 除非你兩人之間感情本身有問題, 佢故意激你.

你地有冇共同的朋友, 或者佢屋企人係可以傾到計的, 試下同佢傾.
私人傳訊

catfy


伯爵府

積分: 18880

2018復活節勳章 好媽媽勳章 畀面勳章 環保接龍勳章 BK Milk勳章 親子王國15週年勳章


10#
發表於 08-1-30 17:07 |只看該作者
如果我老公真係咁唔中意我會避忌lo,而且點會同個朋友講:我好掛住你呀，我想攬下你呀，sweetie，honey，等等
私人傳訊

小柏媽媽


男爵府

積分: 5883


11#
發表於 08-1-30 17:11 |只看該作者
我覺得係因為你未有甘做，所以佢先話１００％信你！如果你真係甘，邊有女人會接受到？

原文章由 unhappy_husband 於 08-1-30 16:58 發表
多謝咁多位既回覆。

我想講，從我太太既角度，佢認為佢地只係好朋友，又冇D乜野唔見得光既野，朋友唔係女就係男，冇第三樣，所以佢完全唔理解我既諗法。

而同時，佢認為我如果有一樣既情況，佢會選擇100％相信我，容許我同異性出夜街，而 ...
私人傳訊

雲妮彭


伯爵府

積分: 19439

好媽媽勳章


12#
發表於 08-1-30 17:14 |只看該作者
我諗你老婆既道德標準有點問題,又或者佢太過前衛喇,我唔會認同囉.雖然佢認為係普通朋友,但對婚姻係要尊重,要守禮囉.你老婆係咪未係香港受過教育架?點解d觀念甘怪既.....麻煩叫佢讀下詩經,孔子之類既古典書籍啦,又或者叫佢重新學下咩叫禮,義,廉,恥先啦.
想問下對普通朋友都用"honey",攬下呢d親密既字眼,仲一齊去睇色戒......甘佢對你係咪都超熱情,超親密架.......如果普通朋友都甘熱情,對你更加應該加倍喎.......




原文章由 unhappy_husband 於 08-1-30 16:58 發表
多謝咁多位既回覆。

我想講，從我太太既角度，佢認為佢地只係好朋友，又冇D乜野唔見得光既野，朋友唔係女就係男，冇第三樣，所以佢完全唔理解我既諗法。

而同時，佢認為我如果有一樣既情況，佢會選擇100％相信我，容許我同異性出夜街，而 ...
私人傳訊

canies


翡翠宮

積分: 97130


13#
發表於 08-1-30 17:52 |只看該作者
1. 我係咪一個非常無理取鬧而又小氣既老公？

唔肯定,因唔知你脾氣發得有幾大.
不過你要求佢地少D來往係合理.


2. 定係佢已經超越左一個已婚女性可以做既界線？

係.
除非你一直「默許」佢地過從甚密.

個人應為你老婆有異心,或因一向食硬你先會為個外人傷夫妻感情.
白D講佢係「蝦」緊你.
不如你都扮有紅顏知已SMS及飯局咁,睇下對方係咪仲係咁「開明」?




[ 本文章最後由 canies 於 08-1-30 18:25 編輯 ]
私人傳訊

ioi


伯爵府

積分: 16557


14#
發表於 08-1-30 18:00 |只看該作者
原文章由 canies 於 08-1-30 17:52 發表
不如你都扮有紅顏知已SMS及飯局咁,睇下對方係咪仲係咁「開明」?


但我又咁睇, 我怕佢老婆真係同個男人有路, 佢有心迫老公出以上呢招, 咁咪中計! 到時佢仲可以大條道理提出離婚...
私人傳訊

ikerberg


複式洋房

積分: 394


15#
發表於 08-1-30 18:09 |只看該作者
I am a man. Your wife's behaviours are unacceptable. Clearly, she wants sth from that man, to fill some emotional gaps, to find some fun from him......

I think you should insist.

I would never allow my wife to go see movie / have dinner with another man alone.
私人傳訊

Vca


男爵府

積分: 5681


16#
發表於 08-1-30 18:44 |只看該作者
原文章由 unhappy_husband 於 30/1/2008 04:58 PM 發表
佢認為我如果有一樣既情況，佢會選擇100％相信我，容許我同異性出夜街，而唔係因為呢D小事而發脾氣。

我上黎問既原因，係想知道我既道德標準係咪好封建，思想係咪好守舊，連一個佢認為係普通既男性朋友都包容唔到。 （我同佢講清楚，我唯一唔鐘意，亦會介意既，就係呢個男人，如果佢同第二個男仔去夜街，我都會有D唔開心，但係唔會為左佢而嘈交）。


你老婆咁講，係因為你冇好似佢咁做啫! 到你真係同第二個女人去睇"色戒"既話...我唸佢又唔係咁講法嘞~~~

我又完全唔覺得你封建守舊喎~
我唔會話你老婆咁做係啱or唔啱，但我自己就唔會咁囉! 我一樣有咁要好既男性朋友 - 都係識得耐過老公~ 仲唔止一個! 我一樣會同佢地email, msn+ 傾電話......但如非必要，我唔會喺老公同我一齊既時候做依d野~ 就算係傾電話，我都係喺老公面前傾既!

但我唔會同佢地見面咁密~ 仲有就算約食飯多數都係"携眷"既! 如果只有我同對方，我只會約食lunch~ dinner 就唔會~ 更唔會單獨同對方睇戲!

早幾個月就係有個好耐冇見既男性朋友約我dinner，但我喺老公面前推咗對方(喺電話)! 我同對方講果晚咁啱要同6299食飯......收線後老公問我點解唔去+點解講大話? 老公仲叫我"你去啦~你地咁耐冇見......"，仲話我地食完會去接我~ 但我只同老公講話我唔想去! 你問我點解呢? 我又答唔出喎~ 只係覺得唔應該......
私人傳訊

joyjoymm


複式洋房

積分: 339


17#
發表於 08-1-30 19:11 |只看該作者
比著我,單獨約睇戲已經唔會去更何況睇"色戒"

既然你老婆話同佢冇野,下次吃飯叫佢地預你
:tongue:

我支持你
私人傳訊

wxxyxn


大宅

積分: 2339


18#
發表於 08-1-30 22:02 |只看該作者
我諗我同拍過拖嘅人做到朋友都係係街上hi/bye果種，咁好傾使乜分手

就算真係好朋友，都係老公最大啦

我都有好多男性好朋友，但都係幾個月幾個人約出黎食飯，單獨兩個好少好少，會同老公講聲，單獨睇戲一定冇

<<色戒>>我同老公睇碟咋，我仲扮訓著冇睇，有d位對住老公都好尷尬呀

換左我個解決方法係: 你都約個女同事/女性朋友晚晚放工出街食飯，唔理佢
私人傳訊

p90


伯爵府

積分: 19020

醒目開學勳章 畀面勳章 BK Milk勳章


19#
發表於 08-1-30 22:37 |只看該作者
可能係我年紀仲細架問題啦 我覺得同異性出街同睇戲冇咩問題 但係 我唔會好似樓主老婆咁
出去之前會同老公講 問左佢意見先 如果佢唔鍾意咪唔出lo 亦都唔介意俾佢地兩個識 因為我幾享受俾人追架感覺架 好舒服(而家梗係唔會la 有老公啦麻) 相反我都唔反對老公識女仔(可能係我有信心過頭XP)
始終我覺得兩個人結婚 就預左係要一世係埋一齊 做咩都應該係對方立場諗 諗左佢心情先lo
但係連我都覺得你老婆有d問題 同佢傾下
追追逐逐  分手再失戀   
                                 
                                 只為尋你    伴我一生
私人傳訊

unhappy_husband


民房

積分: 7


20#
發表於 08-1-31 00:06 |只看該作者
再多謝咁多位既回應。

我老婆好強調，我咁樣check佢MSN，睇佢電話，同埋見到佢同佢既朋友出街會唔開心，根本就係唔尊重佢有社交，唔相信佢。

我係一個唔識得say no既人，我完全明白佢講乜野，所以，只要佢地事先同我講話會出街，我幾唔鍾意都好，我都會話得，起碼上嘗試學大方，亦代表我係相信佢既。

但係好似今次咁，我發現佢明明想問個男人星期唔得唔得閒，但係就唔話我知，我覺得有D 被隱瞞既成份，而佢就覺得佢自己根本唔會張呢D雞毛蒜皮既事情記係心。

而且，係佢口述中，佢既朋友圈子都覺得我係非常心胸狹窄。的確，我係因為之前既事令到我好憎呢個男人，我覺得佢就算冇野，都已經係我心入面既一條刺。 而我講既事例只係其中一兩樣，期間其實又有太多"雞毛蒜皮"既事，例如佢地交換聖誕禮物，我老婆送入伙禮物比個男人等，都係我唔知情既情況下發生，呢D事都係令到呢條刺插得太深，我已經冇能力跋走。 但係佢同佢既朋友都覺得係我一廂情願地亂諗野，鑽牛角尖。

我可以點樣講得佢明白，社會既標準唔係佢咁樣？ 好明顯，佢只會同同一班朋友傾，而佢地只會覺得係我既問題，同時亦會傷害左夫妻既關係。 望各位指點。
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy