自由講場今日: 2346|主題: 1354281

收藏本版

發帖

返回列表

跳至頁

查看: 370 | 回覆: 6

工作同事問題，好抑鬱，求開解（內容頗長） [複製鏈接]

ting11741181

子爵府

積分: 10192

2018復活節勳章 BK Milk勳章

1^#

發表於 14-11-2 00:33 |只看該作者 |倒序瀏覽 |打印

先交待少少背景：

大約一年前，我開過一個post，

係關於一個係公司做左超過十年既同事，
（舊post：我係咪做錯左？有無人可以開解下我？）

之後公司續約，我同佢唔洗係同一個department度做，

無乜機會合作同見面，問題不大，

點知由今年既8月開始，老細又將我地編返埋一齊，

仲要我今年8月剛升左職，做左department head，

要管理一個有6個人既department，佢係其中一個。

開始入正題：

話說由8月開始，佢就不停地制造好多問題，

開始時，我試過想了解件事，睇下點樣可以幫到佢，

點知佢就係背後，周圍同其他同事話我針對佢，

傳返黎我度之後，咁既然佢唔鍾意我咁做，

咁我就打算由得佢，隻眼開隻眼閉就算，

點知佢又周圍同其他同事話我唔幫佢，唔helpful。

咁我都諗住把口生係佢度，佢鍾意點講就點講，

我做好自己既份內事，辛苦d捱一年，

下年續約同老細要求唔同department就算。

點知係岩岩過左去既呢個星期三，

佢間房（我地每人有一間房）傳出好大陣臭味，

有1-2個同事叫佢檢查下佢堆雜物，佢又話唔關堆雜物事，

係清潔阿姐清得唔夠乾淨，所以有陣味，

清潔阿姐想幫佢搵下d臭味來源，

佢又鬧d清潔阿姐，叫d阿姐唔好搞佢d野。

到左星期四，終於成班同事都頂唔順，

全部人都叫佢檢查下佢堆雜物，佢先死死地氣咁檢查，

最後搵到隻死老鼠出黎，我知道左之後，

已經即刻通知admin，因為驚有細菌，

所以都即刻封鎖左佢間房，等滅鼠公司黎消毒，

點知佢又話我小題大做，小事化大，

仲要打電話比我上司，話我針對佢，

上司唔理佢，就話個上司淨係幫住我。

件事發展到呢度，總算係解決左，

但係我發覺自己既壓力開始爆煲，

我由兩個月前開始，塊面不停地爆暗瘡，

近呢一個月，每個星期有4-5晚都會發惡夢紮醒，

岩岩過去星期四開始，仲會無啦啦係度喊、流眼淚，

晚晚臨訓都胃痛，要食胃药先頂得順，

我唔知應該點同佢相處，亦唔知點樣去管理佢，

我好怕自己會變左抑鬱，有無人可以開解下我？