我唔知應唔應該係度講,不過唔講我又好谷氣同埋都唔想有其他媽媽俾人呃!!
各位mama如果屋企唔請工人姐姐都會俾錢d姨姨幫手湊BB,包括埋我!但係各位mama要小心一個住喺九龍灣彩x村曹太,
佢講嘢好叻,講得有文有路,完全唔覺得佢有咩問題!但係就係一個唔識湊BB又呃錢嘅師奶~~
我係第一胎,生之前都冇O念過要請工人,O念住俾BB去育嬰園,如果育嬰園未有位,第二個方案就係俾D姨姨湊!!結果育嬰園未有消息..我o地就透過朋友搵到住淘大嘅ee,想搵佢湊!點知…呢位ee已經有bb湊緊,咁佢就介紹咗呢個曹太.
今年5月頭果時,我o地就約咗呢位曹太上佢屋企見面…一見到面,佢同我o地嘅對答真係有文有路,我o地兩公婆乜都唔識,靜係略略睇咗個環境同埋講咗想佢點揍我個囡,呢位曹太我o地都未講完,就裝出一幅好專業嘅樣話佢之前係做陪月,要4周圍去又唔係太想,所以轉咗全職揍bb..(果時都冇去質疑人o地,要人拎d咩證書丫同埋d咩證明!***各位mama記得一定要睇呢d,唔好俾人呃!***)之後佢又話自己揍過好多個小朋友,話唔介意喺mtr交收丫囡,又話之前d媽媽都係o係mtr交收,仲話可以黎我屋企接我囡上去佢度~~仲話佢d仔囡都大個啦,日頭都係佢一個人喺屋企,屋企好靜唔會嘈親丫囡瞓教!(聽落好似好好咁,不過o念深一層,如果佢真係湊開bb,又點會話o岩岩先唔做陪月?真係唔可以太容易信人..好彩我有上去睇住佢點湊我個囡,如果唔係,我個囡好快俾佢玩死咗都唔知咩事,對腳仔差d要報銷~)
果日大家見完面,好正正常常咁,我o地亦都冇問d乜,佢叫我o地要盡快confirm佢wor,如果confirm佢揍,就要即刻俾$2000deposit佢 confirm佢個期,佢講到好多bb等住俾佢揍咁架!仲話就算唔係幫我o地揍,都會幫其他人揍!!Ok ok~~我同老公商量咗,第二日就過咗$2000俾佢! (我o地真係好蠢,又心急搵到ee揍bb,o念住起碼個心安心d,sure有人揍個囡!但係原來係錯晒…各位mama真係要好小心選擇ee!)果日之後,我o地就冇再聯絡,直到我生完丫囡差唔多返工果時,我o地拎埋bbd日用品同埋抱埋丫囡俾佢望下,之後就係到臨返工之前1日,我上去佢屋企睇住佢點揍我個囡!真係好彩咋~~~我有上去睇住!如果唔係……………….我唔敢想像我個囡會點!!仲有…果日拎完嘢俾佢,佢話返去check下有冇嘢拎漏,之後佢打電話俾我老公,同我老公講要買埋紙巾俾佢!(@@ 紙巾都要買埋…唔係呱! ß呢度我已經開始對佢印象麻麻!不過我老公話都係丫囡用嘅,買俾佢!)
7月中,我返工嘅前一日,我同呢位曹太上咗佢屋企!(老公打電話話我知話曹太話要第一日開工就收埋果$3000尾數!)一上到屋企,見到丫囡一袋二袋嘅用品放咗係佢張木櫈度,之後佢就接過手抱住丫囡!丫囡本身瞓咗不過就夠鍾食奶,所以一過手放落張床度就已經喊,咁我就話佢知佢要食奶啦…要換咗片先!呢個曹太就即刻要幫丫囡換片,佢喺張台(張台都離開張床3,4步路)開咗d水,浸濕5,6張乾濕棉,之後鏈鏈鏈…鏈到乾一乾擺返落個膠盒蓋先拎過去幫丫囡抹,我想話已經凍晒啦同埋尿尿姐,使唔使咁多塊丫,不過各人有各人做法,我都冇出聲,靜係話佢知一定要暖嘅幫丫囡抹!我o念佢拎到過去幫丫囡抹得都已經係凍冰冰!!到咗換片時間啦…哇,我第二次feel到好似搵錯人咁嘅!幫丫囡換到條片鬆,係人都知道女仔換片背脊要拉高d架啦,佢竟然yup到勁低..仲要勁鬆,完全唔晒o念一定漏尿!!我係則跟同佢要yup高少少,我再重新幫丫囡yup過條片俾佢睇!(我心入面又有疑問啦,點解佢話自己係陪月,但同我個陪月差咁遠嘅,幫丫囡換尿片都係我個陪月教我嘅,點解佢做陪月反而要我教返佢嘅?連片都唔識換,真係幫人開湊bb!?
仲要我講完你又又有文有路話"係丫係丫...女仔易D漏尿!)呢個只係我嘅疑問,我都冇去問佢或點樣質疑佢~~
好啦…到咗開奶俾丫囡………..唉,我好肯定可以80%話你知,佢冇湊開bb同做陪月,之前講果d咁有經驗全部都係老吹!!點解呢?睇落去你o地就明架啦~~我o地俾咗全新奶粉俾佢,開奶俾丫囡果時,佢o念都唔使o念一嘢搣走奶粉罐張錫紙,我叫都叫唔切佢唔好~~算啦,唔搣都搣咗….佢又同我解釋話:"因為上一個媽媽要佢搣走張鍚紙,所以佢心急就搣咗,我好想問,你又話之前做緊陪月,無啦啦又會湊完個BB唔湊黎幫我湊囡?冇咗張鍚紙,根本係刮唔到個奶粉殼,唯有叫佢拎把刀刮!!!
跟住仲勁,佢開奶俾丫囡,開4安…湊開小朋友都知一定要個奶粉殼d奶粉要整刮平佢先為之一安,佢竟然冇刮平佢成座山咁嘅奶粉當一安!!我即時同佢講要刮平,佢仲要好似好識咁話:”係啊係啊…咁先至準!”(xxzy~~如果你知,點解頭先成座山咁嘅奶粉就倒落去奶樽度,我一講你又乜都話知嘅?”) 開完奶,佢又同我講:" (X太~~你最好買個奶粉格俾我,姐係一個有3格果D,唔好要三個果D wor~方便開奶,係知啦,成日開d奶粉唔好架嘛~~") 我靜係答咗佢一句:"但係我o地自己都冇wor~" 其實佢之前已經叫我老公買俾佢,我老公冇理到佢...佢而家又再同我講,叫我盡快買俾佢! 乜都叫我o地買買買....我o地真係咁有錢唔通!!
仲有好多好多好多離譜嘅嘅嘢我都未正式講到~~~下次繼續講!
muitse2013 發表於 15-8-5 12:00
講真..................目前睇唔出有乜嘢太大過錯或者問題.,係生手D............
發表於 
返回列表
