嬰兒用品今日: 0|主題: 93257

收藏本版

發帖

返回列表

跳至頁

查看: 1377 | 回覆: 4

純分享:百日宴回禮小禮物，切勿幫襯! [複製鏈接]

swlswl

別墅

積分: 925

1^#

發表於 15-12-21 18:05 |只看該作者 |倒序瀏覽 |打印

阿囡百日宴，想買啲小禮物作回禮用，上網 search，有間叫<喜之店>，見佢啲禮物幾精緻，不過就貴啲，都想買，都係自己三心兩意，又想睇吓有冇其他更好，結果都搵唔到合心水，所以最終都搵咗哩間舖。我都知自己遲(12/12百日宴，9/12先落訂)，所以9號朝同佢講咗個數量，佢話要我落咗一半訂先肯幫我訂貨，我驚太遲，所以叫佢幫我訂貨先，我晏啲先過到數俾佢。
四點零通知佢過咗數，佢五點幾覆我間廠唔夠貨(我都明係自己遲，所以唯有响佢啲貨入面再揀一款，可以一樣一半)，搞咗一輪，終於揀到，佢話要check，晏啲再覆我。結果當晚差不多12點覆我有貨(佢同我講要即刻決定，唔係趕唔切，我都明，所以即刻答應)，以為搞掂晒，等whatsapp攞貨喇，惡夢先啱啱開始......
星期五(11/12)晚仲未收到通知，我都唔敢催，諗住星期六朝早都有喇啩!?點知星期六(12/12)差不多1點仲未有消息，我唯有主動問，whatsapp佢唔覆，打俾佢，佢一攞起電話講咗一句“啲貨未到，到咗call你”，之後拍一聲cut我線，我已經嬲嬲哋(咩態度??)，等到1:30仲未有消息，我再whatsapp佢“我今晚要用，如果趕唔切，不如你退返錢俾我，我自己買過第二啲!”，當然，佢都係唔覆我喇，咁我唯有自己諗辦法，到我搵到代替品時我再一次whatsapp佢“如何呢?麻煩你覆一覆我，如果三點前不能取貨，請退回訂金!”(嗰陣已經2點)，等到2:30都冇回應，我唯有直接打俾佢，今次仲勁，直頭唔聽我電話，我唯有再用whatsapp取消訂單“你唔覆，又唔聽電話，我當你俾唔到我，請把訂金退回!”
三點，我已經買咗代替品，而佢終於用好悔氣嘅語氣打電話俾我，仲係連稱呼都無“你啲貨到咗喇，可以去攞喇!”，我當然直言已買代替品，叫佢俾返訂我，佢反鬧返我“都話會有㗎喇，你自己心急去買咋嘛，我都要等人覆我㗎!”我答佢“問題係你唔覆我，又唔聽電話，等你覆我我仲要自己去攞，都係時間，你要等人覆冇問題，你話聲我知囉，萬一你真係趕唔切我咪企响度??”佢再一次cut我線。cut咗線佢反而whatsapp我，三個語音短訊，不過內容都係鬧我心急去買代替品，我預咗啲訂冇梗，但希望都警惕吓其他人。
我知我係遲落訂，亦唔係訂好多，唔算係大生意，但問題係佢嘅態度，唔應機，cut人線，最後仲要反鬧返個客心急，我真係唔知哩啲係咩服務態度!?
大家睇咗個分享，留意吓會唔會再搵哩間<喜之店>幫襯喇，我嘅經歷就認真麻麻!!