https://www.hk01.com/article/922 ... articlecopy&utm_medium=referral
林子博、李婉華近日分別回港，今日（23/7）在酒家舉行「李婉華x林子博粉絲見面會」，現場坐了70幾圍支持者，共700幾人，記者所見更有報唔切名的人士，即場試圖Walk in。
對於參加者反應熱烈，兩人坦言是超出想像，婉華說：「原本諗住得幾十人，因為我未曾開過見面會，係第一次，完全冇Idea會有幾多人，估唔到最後爆滿到要截龍。」兩人在活動開始前受訪，自爆是相識一年多的網友，一齊開網台節目，但回港才首度聚頭。婉華原本以為子博較嚴肅，覺得他長期都是「諗嘢樣」，但真人原來嘻嘻哈哈、平易近人。而子博第一次見到婉華真人，都不禁要攬她一下。
活動上有抽獎、歌唱比賽、大合照等環境，婉華上台致詞時一度感觸落淚，很開心離港多年都有這麼多人支持自己。她又祝大家要生活愉快，「只要我哋喺度，香港人一定冇事，無論去到邊度生活都一定要開心，錫自己多啲。我喺外國生活得耐，我知道香港有好多嘢係外國冇得比，呢度先係我哋嘅家！無論朋友、家人，都要互相支持。」
其後子博唱出《愛是永恆》、《單車》，自謙歌藝不精的婉華又合唱《只有情永在》，獲粉絲獻花。此外，今次短暫回港的婉華，稍後將帶團去馬來西亞，行程包括食榴槤放題及食私房菜等，問到會否再去其他國家，她表示：「今次有口碑嘅話，旅行社會再下一城，而家仲係計劃之中，希望有機會去歐洲！」
林子博為亡妻未上龕位就移英解畫：相信佢明白係諗咗細路先
https://www.hk01.com/article/922 ... articlecopy&utm_medium=referral
子博移英全職躲在房間開咪 生活圈子窄
子博趁住仔女放暑假回港，問一家人適應移英生活未，他透露仔女很快已經習慣，返學會認識到不同國籍的朋友，但自己長期躲在房間開咪，生活圈子較窄，不過他覺得最緊要是仔女適應到。問到收入是否夠生活，他說主要都靠做網上節目，要靠大家多多支持。
子博和婉華認為兩地教育制度各有各好，子博說：「希望佢哋輕鬆學習，香港教育制度都好，係精英制，但係我小朋友唔係好讀得，我又唔想佢哋自卑。」兩人認為香港的小朋友去到外地都是精英，轉數快、數學叻，子博表示：「我個仔喺香港數學都唔係好叻，但係去到英國可以教人。」婉華指外地很多人聽到學生來自香港都會尊敬。
未待太太上位已離港 因仔女趕住開學日前子博被傳媒拍得在港跪地拜祭太太，是他移居英國兩年後首度回港拜亡妻，有人問為何不等太太上龕位後才離港，子博解畫：「嗰陣時樣樣嘢堆埋一齊，包括夠期搬屋，因為我之前喺香港係租屋，加埋阿仔又派中學，嗰時政府又未畀骨灰位我，咁都要諗解決方法。當然我都想等太太上埋位先至決定之後嘅嘢，但係幾樣嘢迫埋一齊嚟，適逢已經8月，9月就要開學，究竟點呢？我相信太太明白，最緊要係之後條路點行，諗咗細路先，冇辦法，返嚟咪同佢Say Sorry，我喺佢未正式上位就走咗。我一早已經寫咗授權書，搵屋企人幫我手，派到位再幫我處理。」
子博拜祭太太時，送走家人後再折返現場，他說是因為內心仍然有很多說話想跟太太講，「主要都係道歉，同埋講對仔女近況。」問為何幾個月前通關後不立即回來，他坦言去年已經想回港，但當時疫情未過，加上自己每日都要幫仔女做司機，只有現在放暑假才行得開。
大女鼓勵子博拍拖 代開交友App婉華又透露，今日見面會希望幫子博招親，即使子博這一刻未完全放下喪妻的心結，但如果將來找到適合的人，都可以當識多個朋友。子博說18歲的大女詠渝很支持自己結識新對象，更幫他開交友app，「都有同人傾吓偈，但唔知係咪騙案。」婉華讚詠渝好識諗，「好多仔女未必得，覺得爸爸會俾人搶走，如果你個女咁成熟，佢好乖。佢都想你開心，都想你有人錫！」子博原來更被囡囡催拍拖，他駕車送囡囡學跳舞，要在外面等個幾鐘，「我話不如我都入去跳，冇咁悶，佢話你唔好入嚟，好𤓓呀。久而久之佢話爹哋不如你去拍拖，唔好搞我！」
發表於 
返回列表
