自由講場今日: 123|主題: 1354289

收藏本版

發帖

返回列表

跳至頁

查看: 1538 | 回覆: 9

我和女兒遇上交通意外/白車/救護員 [複製鏈接]

cmmcbb

子爵府

積分: 13279

好媽媽勳章

1^#

發表於 09-7-7 12:04 |只看該作者 |倒序瀏覽 |打印

昨晚不幸同亞囡搭的士時遇到交通意外，有架私家車由後面撞去的士尾部。

當時還未報警，咁o岩有架白車經過，佢地都停一停睇下有冇野要幫手 (真係好)，不過我同亞囡都冇事，咁佢地就叫我等下一架白車，佢地本身係去緊另一個地方做野o既。同時，另一個救護員就去睇下私家車司機有冇事，但係個司機唔鬼見左，原來佢走左上天橋，話撞到我同 bb，好自責，要o係天橋跳落黎，咁 d 救護員就唔走得，要去安撫佢。

發生意外o既地方，係由天橋數過黎第二條行車線，個司機走左上天橋跳落黎又咁o岩有車駛到第一條行車線o既話，咁就大鑊喇！

我唔明點解 d 後來o既駕駛者見到前面有白車停左o係度都仲要駛埋去....

後來我問救護員點解佢地唔截住 d 車，佢地答我佢地冇權，一定要留俾警察做，但係當時警察未到，佢地話都冇辦法，只可以盡量去做....

1. 有時意外o既野...可能大家做多少少就避免得到。我唔係話 d 救護員唔做野，佢地其實好好！後來o既車唔駛去果條行車線，同埋上天橋o既車唔好開咁快已經可以避免果個失控o既司機受重傷啦！

2. 白車送我同亞囡去到醫院，佢地幫我登記，竟然有排緊隊o既人話我濫用白車，我覺得好無辜囉...其實好多人投訴白車好耐都唔到，我都鄧白車慘，佢地o係街見到有事，唔會唔理，一定會處理左較急o既先，有時真係一分鐘就影響到個結果。佢地會立即安排第二架車去原本要去o既地方....

3. 原來 d 白車/救護員真係做不停手，送左我地去醫院之後，唔夠五分鐘又要去做野喇！

件事擾攘左廿幾分鐘....我先見到有一個交通警黎，同埋兩個 pc 由對面街跑過黎，救護員見到有另一架車到左先車我地走....

去到醫院仲要俾記者影相...我好惡咁怒啤個記者，因為佢係咁影我個囡！

到而家我仲未驚完.....如果我冇用咩帶，亞囡一定會飛左出車外喇！