懷孕前後

跳至

首頁
12

尾頁
   0


伯爵府

積分: 17733


1#
發表於 09-8-27 10:02 |只看該作者
1.係吾係真係吾痛?
2.生個時有無力?係吾係真係要吸磐吸阿B出來?
3.吸左出來阿B頭皮有無紅腫?
4.開到幾多度開始打麻酔?
5.覚得値吾値得用無痛分娩?


洋房

積分: 111


2#
發表於 09-8-27 11:48 |只看該作者
今年4月係威記生完, 過程如下:

如果你決定係做無痛, 就要盡早同姑娘提出, 因為她們要幫你book痳醉師嘅. 我開到1度半已經頂唔順, 姑娘見到我咁, 就好早推我去產房, 無幾耐就做無痛喇. (一邊等痳醉師做無痛一邊聞住笑氣).

1.係吾係真係吾痛?唔痛.
2.生個時有無力?姑娘會幫你探下開夠10度未, 如果開夠就會停無分免d藥一個鍾, 一個鍾就開始叫你生. 係吾係真係要吸磐吸阿B出來?視乎個人而定. 因我產門開得慢, 太耐無食過嘢, 所以我b仔係吸出黎.
3.吸左出來阿B頭皮有無紅腫?係有紅但唔會腫. 過左3日d紅都退晒. 每日幫b仔搓下個頭仔就圓返晒lu.
4.開到幾多度開始打麻酔?1度半就開始做喇, 但要視乎產房有無位, book唔book到痳醉師而定.
5.覚得値吾値得用無痛分娩?我產門開得慢, 成廿幾個鍾先開到10度, 所以我覺得值得.

希望上述資料幫到你啦.

幾時預產期呀? 加油呀.


珍珠宮

積分: 33689


3#
發表於 09-8-27 12:25 |只看該作者
請分享一下無痛分娩


1.係吾係真係吾痛?
no pain at all before they stop
2.生個時有無力?係吾係真係要吸磐吸阿B出來?
I don't need any help........just by myself
3.吸左出來阿B頭皮有無紅腫?/
4.開到幾多度開始打麻酔?
once after sent to labour ward, as i do induction adn epidual together
5.覚得値吾値得用無痛分娩?yes


伯爵府

積分: 17733


4#
發表於 09-8-27 12:28 |只看該作者
原帖由 JoJo_1021 於 09-8-27 11:48 發表
今年4月係威記生完, 過程如下:

如果你決定係做無痛, 就要盡早同姑娘提出, 因為她們要幫你book痳醉師嘅. 我開到1度半已經頂唔順, 姑娘見到我咁, 就好早推我去產房, 無幾耐就做無痛喇. (一邊等痳醉師做無痛一邊聞住 ...


多謝你阿!我予産期係9月28日、一路都心思思想用無痛、而家有你既reply我下星期同E生講要用無痛!真係好驚生仔個D痛阿


伯爵府

積分: 17733


5#
發表於 09-8-27 12:29 |只看該作者
原帖由 eaubobo 於 09-8-27 12:25 發表
請分享一下無痛分娩


1.係吾係真係吾痛?
no pain at all before they stop
2.生個時有無力?係吾係真係要吸磐吸阿B出來?
I don't need any help........just by myself
3.吸左出來阿B頭皮有無紅腫?/
4.開到幾多度開始打麻酔?
once ...


Stop左個一個鐘、係吾係好好好好好痛??你用左幾耐時間生阿?


洋房

積分: 111


6#
發表於 09-8-27 12:34 |只看該作者
原帖由 p_kotone 於 09-8-27 12:28 發表


多謝你阿!我予産期係9月28日、一路都心思思想用無痛、而家有你既reply我下星期同E生講要用無痛!真係好驚生仔個D痛阿


唔使驚呀.....我會支持你. 祝你bb肥肥白白, 聽教聽話, 快高長大.

想提提你, 生完bb後第一時間要望鍾, 睇返bb幾點出世, 跟住就要望住bb直到姑娘幫bb帶左手帶同放入暖箱為止.


洋房

積分: 111


7#
發表於 09-8-27 12:37 |只看該作者
原帖由 p_kotone 於 09-8-27 12:29 發表


Stop左個一個鐘、係吾係好好好好好痛??你用左幾耐時間生阿?


唔會一下子好痛, 係會慢慢越黎越痛. 姑娘會俾半個鍾頭你自己生, 生唔到先幫你吸出黎.


伯爵府

積分: 17733


8#
發表於 09-8-27 12:53 |只看該作者
原帖由 JoJo_1021 於 09-8-27 12:37 發表


唔會一下子好痛, 係會慢慢越黎越痛. 姑娘會俾半個鍾頭你自己生, 生唔到先幫你吸出黎.


完全明白!!放心晒!


男爵府

積分: 8521

好媽媽勳章 畀面勳章


9#
發表於 09-8-30 06:50 |只看該作者
我用左無痛都覺得冇分別wor~~生完打無痛個位仲痛到死死下..而家生完成3年都間唔中痛呀 所以今胎唔會無痛啦!


大宅

積分: 1665

好媽媽勳章 醒目開學勳章


10#
發表於 09-8-30 14:07 |只看該作者
原來唔係一路用住藥架? 第二產程既時候會停藥? 咁即係到阿 B 出黎時都會痛? 咁剪既時候咪好痛 lor?


伯爵府

積分: 17733


11#
發表於 09-8-30 15:59 |只看該作者
原帖由 wincywincy 於 09-8-30 06:50 發表
我用左無痛都覺得冇分別wor~~生完打無痛個位仲痛到死死下..而家生完成3年都間唔中痛呀 所以今胎唔會無痛啦!


你係邊間Hospital生架?


男爵府

積分: 5113

熱血勳章


12#
發表於 09-8-30 16:23 |只看該作者
I remember that ......
醫生約我9月1號入院, 第一日入院同我塞催生藥(幫助軟化子宮). 9月2號, 食完早餐(10:30 a.m.), 姑娘就叫我call我老公(陪產)然後換衫.... 換完衫落產房時, 姑娘同我講話一陣妳會做無痛分娩, 我r 晒頭話我無話要無痛分娩wor....

落到產房, 佢地叫我老公門口等一陣先 , 然後上床吊催生水.....then.... 穿水 , 用較剪剪左一下(痛到想死), 但未穿水(D媽咪話一篤就穿架wor) .....原來我子宮厚 , 要一下一下剪... 另一個姑娘按住我個肚(推個子宮出D方便比個DR. 剪) 我痛到個人係咁彈,剪左成二十分鐘先至穿水......

跟住老公入左黎... 我痛到喊開始feel 到陣痛 .... 姑娘叫我"聞"氣, 我死都唔肯(因為d 媽咪話無用)... 我話要打止痛針, 姑娘叫我試下"聞"氣先, 我吸左2下....好暈但仍好痛... 我喊住話要打針.....最後佢幫我打止痛針....

轉頭, 有個Dr. 入黎同我檢查, 跟住話麻醉師在出面, 叫我做無痛分娩, 我話唔想... 佢勸我做, 話我起碼要6, 7點(下晝)先至可以開到一度then .... 佢出左去call個麻醉師入黎講解個過程....同隻佬商量後... 最後接受無痛分娩.

一痛我就按個制(按制會自動加藥).... 同隻佬傾計...傾到累就訓.... 個醫生好勁.... 我最後6:30p.m.先開到一度 ....跟住隻佬話出去dinner先,......佢返黎繼續同佢傾計, 累了又小睡片刻, 一痛又按制....到10:00p.m.先開到9度, 然後就停藥 !!!(因為唔痛唔識生wor).....

嘩!!!一停藥...人都癲!!!!好痛呀!!! 終於11:30p.m.開到10度, 但生到1:00a.m.都生唔出 最後, 醫生問我"all" 唔 "all"到....話"all" 唔到就吸啦!! 我話吸啦! 點知原來要call個阿Head黎吸...我估我呢段時間應該"all" 到, 但個吸盤已經 on BB個頭度 .... 最後暉暉1:12a.m.出世


我生左成16個鐘呀!!
好彩用左無痛分娩咋! 可以減低九成痛楚, 我都係政府生架!!! 但D助產士個個都好nice喎!! 重有奶茶/咖啡添(比隻佬) , 唔係一杯wor, 係一壺wor!! 隻佬話我訓左佢都坐左sofa度訓.

考慮下用無痛分娩啦! 真係一D都唔痛架!

希望無悶親你地啦!! :-P :-P :-P


子爵府

積分: 11741


13#
發表於 09-8-30 20:47 |只看該作者
好彩臨生之前睇到呢個Topic... 我諗我都要用無痛!


別墅

積分: 652


14#
發表於 09-8-30 22:38 |只看該作者
我都想要無痛呀,我第一胎生左十四個幾鐘,真係好痛!等我記住呢胎生時一入院即刻要求要無痛!


大宅

積分: 1665

好媽媽勳章 醒目開學勳章


15#
發表於 09-8-30 23:40 |只看該作者
咁即係生既時候都一定要停藥? 好驚啊...


伯爵府

積分: 17733


16#
發表於 09-8-31 00:35 |只看該作者
原帖由 nancy 於 09-8-30 16:23 發表
I remember that ......
醫生約我9月1號入院, 第一日入院同我塞催生藥(幫助軟化子宮). 9月2號, 食完早餐(10:30 a.m.), 姑娘就叫我call我老公(陪產)然後換衫.... 換完衫落產房時, 姑娘同我講話一陣妳會做無痛分娩, 我 ...


真係好有用既comment!!!我覚得横店都痛、痛少D時間越好、留番D力等生個時先用!不過有D驚停左薬個時痛既感覚


男爵府

積分: 8521

好媽媽勳章 畀面勳章


17#
發表於 09-8-31 05:55 |只看該作者
原帖由 p_kotone 於 09-8-30 15:59 發表


你係邊間Hospital生架?

瑪嘉烈


男爵府

積分: 9448


18#
發表於 09-8-31 13:08 |只看該作者
我覺得無痛分娩係一個偉大發明.

我果時由夜晚8點痛到第二朝8點, 每15鐘痛一次, 我已經頂唔順, 成晚好眼瞓又call左姑娘幾次黎睇我, 成日以為咁痛就生得, 到第二朝有個護士長黎睇我, 話開到2度幫我睇產房有冇位(原來痛左12個鐘先得2度, 救命呀), 成晚痛到瞓唔到, 個人好攰, 跟住8點幾打左支止痛針(我覺得冇用), 跟住落產房"聞"氣, 個醫生問我不如做無痛喇, 我當時即刻回答 : 總之可以唔痛, 乜都做, 跟住9點幾就做左無痛啦, 不久就唔痛啦, 跟住咪可以瞓下覺, 之前果晚真係冇瞓過咁滯, 瞓左3個鐘個人精神左好多, 否則我都唔知有冇力生, 我記得7度時叫老公幫我影相, 果時我仲識笑, 跟住再影就係9度, 果時已經痛到謝晒皮咁樣, 其實只係pat pat勁痛, 好似要大便咁, 已經冇左2 度時個肚收縮果個位痛, 我覺得已經好好, 所以到生時係feel到痛. 無痛其間, 如果feel 到痛可以按制葯, 但我就冇按過, 跟住唔記得幾時姑娘話要停葯啦, 否則怕生時會feel唔到痛唔識生, 之後由feel到痛至生左亞b出黎約2鐘.

期間有幾個鐘唔痛, 由2度至9度期間都可以係好舒服, 所以對我黎講絶對係偉大發明, 因我2度時已頂唔順, 真係咁大個女第1次有痛到嘔既感覺, 所以今胎可以既話, 我都會用無痛, 希望亞b揀得啱時候出世, 等我可以冇咁送苦喇.


複式洋房

積分: 179


19#
發表於 09-8-31 13:21 |只看該作者
無痛分娩都有風險架,你做之前姑娘會比份野你睇要承擔d乜野風險,要簽同意書。有乜風險要自負架。如果在政府醫院仲唔係你話做就有得做,要醫生評估你需唔需要做同有冇必要做,最好事前問下先。

[ 本帖最後由 popee 於 09-8-31 13:23 編輯 ]


珍珠宮

積分: 33689


20#
發表於 09-8-31 13:30 |只看該作者
yes, it was very painful after stopping epidural.
2pm...fully
4:30 pm baby was born..........
原帖由 p_kotone 於 09-8-27 12:29 發表


Stop左個一個鐘、係吾係好好好好好痛??你用左幾耐時間生阿?

首頁
12

尾頁

跳至
Presslogic Logo
Baby Kingdom Logo