我想分享這次Claim 家居保險的經驗, 保險公司係『薈風』,我認為幾重要,所以同大家分享.
08-10年住在老爷的唐樓單位,樓鹷已超30, 我入住時已幫襯『薈風』買家居保險的, 我老爷是業主,佢冇買任何保險, 說話2010年5月中午家裡食水喉爆了,水浸全屋 (水高超過腳背),D水仲浸咗部電梯. 當日管理處通知老爷, 老爷就通知我,我趕返去後,立即打比『薈風』
,保險公司第一時間CALL咗 公正行的人上單位視察及影相, 經過公正行的人看過已損壞的東西才可掉.
事發期間...因為保險公司曾經同我講『濕咗啫,乾返可以用得返』,佢講完LEE句說話,我就大返佢『咁你借間屋比我晒乾D傢俬呀,書呀,床肉咁囉. 你知唔知你LEE句說話有法律責任? 如果晒得乾就唔洗掉,可以用得返,我洗鬼買你D保險呀?』
另一邊廂,大廈法團又追我老爷賠償電梯維修費, 我便叫老爷不用回覆大廈法團,並叫法團揾公正行.因為係保險公司負責範圍以內, 初時保險公司口口聲聲話唔係保障範圍以內,因為話我係住客唔係業主,
但我堅持話『關你保險公司事』….
後來我再同保險公司講屋內地版已浸壞要重新鋪過,保險又話『地版係業主物品,唔係住客帶入去,所以唔受保障』,但我又堅持話『喂!水浸就緊係會浸濕地版ga la, 而家地版就係壞咗,一定要攪返』我仲同保險公司講『唔通叫我老爷出封律師信比我追討我地版維修呀?』….
成個案件由初時話賠償9千幾蚊約15%, ,攪下攪下最終賠償差不多100%, 因為我堅持電梯要保險公司負責,地版要保險公司負責, 有些傢俬例如床肉,當時比水噴濕了4份1部位,我都堅持要保險公司賠.
我目的不是要攢保險公司錢, 而是希望買保險發揮倒作用.
整個案件,由發生事到正式賠償,攪咗6個月.. 就此事我明白以下幾個重點:
1)
保險公司唔會同客人正面交風,會經公正行的人 (但我一直堅持某些論點或自己主動聯絡銀行,大部份時間是經公正行交手,但某些時候我會打去銀行吹速)
2)
保險會拖得很慢去處理,但這點客人可以出信反映or嘈公正行,佢地就會快返.
3)
有些物品損壞程度不是即時發現,保險公司可能評定不需賠償, 但都係要自己堅持要佢賠償, 例如: 當時我呀b的電動搖椅浸濕咗個椅墊,但d水都噴倒電子開關位. 當時公正行認為冇問題仲郁得. 但我就話『電子野唔會即刻有事, 況且張椅的座位都濕晒,冇可能放喺屋內』最後都有賠張電椅錢.
4)
如果涉及第三者索賠, 最好自己唔對第三者唔答唔覆任何野, 咩都叫第三者揾公正行.公正行的人會應付第三者. 例如: 大廈法團初时出律師信比我老爷,叫老爷賠償電梯維修費, 我叫老爷同法團講,叫法團揾公正行交涉. 間中法團都會問我地到底點樣點樣, 我都係答法團『你問正公行啦, 我都等緊回覆…』最後保險都賠償了大廈電梯維修費.
小小經驗分享.
發表於 
返回列表
